Íke mipiüng sitiül mindiüm mirang minajiüt Teat Dios

1. Para mirang miamígo Teat Dios, netam mijaw najneaj aaga naleaing imiün tiül Bíblia (1 Timoteo 2:3, 4), mijiür fe wüx kwantasnej leerkiajchay wüx (Hebreos 11:6), miyaag nekoy leaw nisoet irang (Hechos 17:30, 31) at mikweat leaw irang tiül mibída (Hechos 3:19). Kondom aag monajneaj ijiür mikiiüb Teat Dios, netam aaga yaj marang mindiüm miyaküy teowix Teat Dios. Ayaj amb apiüng, inopǘyan tiül noik orasion isaj Teat Dios iyaküy teowix nej atkiaj mirang minajiüt nej (Mateo 16:24; 22:37).

2. Wüx landoj leeryaküy teowix Teat Dios kiaj netam miyar yow (Mateo 28:19, 20). Wüx miyar yow temijüikich majaraw liyaküy teowix Teat Jeoba. Pares, ayariw yow áagan leaw lamajiürüw fis mapiüngüw apmarangüw najiüt para Teat Dios. Wüx nop nipilan mayar yow, mikwerpo nej netam ndrom nómban tiüt, tiül yow noikiores* (Marcos 1:9, 10; Hechos 8:36).

3. Wüx landoj leeryaküy teowix Teat Jeoba, nej akül mirang atnej lamindeak mirang (Salmo 50:14; Eclesiastés 5:4, 5). A Diáblo apmaw wüx marang mikweat irang minajiüt Teat Jeoba (1 Pedro 5:8). Péro itüchiün Teat Dios tiül orasion (Filipenses 4:6, 7). Erkiajchay wüx Mipoch nej dedaámb (Salmo 1:1-3). Ijlüy noik miün mikiiüjpüw mitestígo Teat Jeoba wüx kanchiümoj (Hebreos 13:17). Sitiül mirang meáwan aaga yaj apmixom fuérsa atkiaj dedaámb ngomikweat Teat Dios. ¡Apndom mirang meáwan nüt leaw Teat Dios atün ikweaj!

Sitiül indiüm mijaw altegüy tengwüy makiaajchiw ik wüx Bíblia iniüng, ngóme apmingüy irang wüx noik nawiig andüy niüng ajlüyiw Watch Tower, neserka niüng ikül. Andüy niüng ajlüy

* Wüx nganaw mayar yow nop najneajay mateow a nawiig El conocimiento que lleva a vida eterna, tengwüy alinoik landiüm matnej arangüw Sociedad Watch Tower Bible and Tract.

Copyright © 2006 Watch Tower Bible and Tract Society of Pennsylvania. All rights reserved.