Nama Tuju Petara ka Dunya?

1. Jehovah nempa dunya awak ka mensia ulih ngelantang diau dia belama. Iya deka ka dunya tu selalu alai orang ti lurus, lantang. (Masmor 115:16; Isaiah 45:18) Dunya enda ka dirusak; iya meruan belama.—Masmor 104:5; Pengajar 1:4.

2. Apin Petara ngaga mensia, Iya milih siti tempat ti mit di dunya lalu ngaga iya nyadi paradais ti manah. Iya ngumbai nya kebun Eden. Ditu iya ngengkah keterubah lelaki enggau indu, Adam saduai Hawa. Tuju Petara ka saduai nya ngambika bisi anak lalu menoh ka serata dunya. Belubah-lubah sida deka ngaga serata dunya nyadi paradais.—Pemungkal 1:28; 2:8, 15.

Paradais lenyau

3. Adam saduai Hawa bedosa laban sengaja ngelanggar undang-undang Petara. Nya alai Jehovah muru saduai ari kebun Eden. Paradais udah lenyau. (Pemungkal 3:1-6, 23) Tang Jehovah ukai enda ingat ka tuju iya ka dunya. Iya bejanji ngaga iya nyadi paradais, endor mensia deka diau ba dunya tu belama. Baka ni iya deka ngereja tu?—Masmor 37:29.

4. Apin dunya tu tau nyadi paradais, orang ti jai mesti dibuai. (Masmor 37:38) Tu deka nyadi ba Armageddon, iya nya perang Petara kena ngujong ka penyai. Udah nya, Sitan deka ditutup pengelama 1,000 taun. Reti tu nadai orang ti jai agi tinggal ngerusak dunya. Semina anembiak Petara ulih ngidup ka diri.—Pemandang 16:14, 16; 20:1-3.

5. Udah nya Jesus Kristus deka merintah nyadi Raja di dunya sekumbang 1,000 taun tu. (Pemandang 20:6) Iya deka belubah-lubah muai dosa ari ati enggau tuboh kitai. Kitai deka nyadi mensia ti sempurna baka Adam saduai Hawa apin saduai bedosa. Udah nya nadai agi penyakit, tuai umor, enggau pemati. Orang ti sakit deka digerai, orang tuai deka nyadi biak baru.—Jop 33:25; Isaiah 33:24; Pemandang 21:3, 4.

6. Sekumbang Jesus Merintah Saribu Taun, mensia ti talok deka bekereja mali serata dunya nyadi paradais. (Luke 23:43) Pia mega, bejuta juta orang ti mati deka diangkat idup baru nyadi mensia di dunya. (Kereja Rasul 24:15) Enti sida ngereja nama ti diguna Petara ari sida, sida deka mengkang idup di dunya belama. Enti enda, sida deka dirusak belama lama.—John 5:28, 29; Pemandang 20:11-15.

7. Asal tuju Petara ka dunya deka mujor. Deka nuan ampit dalam berekat ka jemah ila? Enti deka, nuan patut belajar berari pasal Jehovah lalu ngasi ka peneka guna iya. Datai ngagai aum ba Balai Raya Saksi-Saksi Jehovah ti besemak deka nulong nuan ngereja nya.—Isaiah 11:9; Hebrew 10:24, 25.

Udah Armageddon, dunya deka digaga nyadi paradais

Copyright © 2006 Watch Tower Bible and Tract Society of Pennsylvania. All rights reserved.