 |
Beliefs | Future | Medical | Topics | Contact Us | Publications | Languages |
| Nama Diguna Petara ari Kitai? | Pelajar 9  |
Anembiak Petara Mesti Tuchi |
|
 |
Nama kebuah kitai mesti tuchi dalam semua pekara? (1) |
|
Nama reti tuchi dalam roh? (2) tuchi pendiau? (3) tuchi pikir? (4) tuchi tuboh? (5) |
|
Nama jako ti enda tuchi patut diseliah? (6) |
1. Petara Jehovah nya tuchi enggau kudus. Iya naga ka semua ti nyembah iya mengkang tuchi—dalam roh, pendiau, pikir, enggau tuboh. (1 Peter 1:16) Bebendar deka tuchi ba mata Petara. Kitai diau dalam dunya ti enda tuchi. Kitai mega ngelaban pengingin kitai ngereja penyalah. Tang kitai anang alah. 
2. Tuchi Dalam Roh: Enti kitai deka betuai ka Jehovah, kitai enda tau bepegai ba ajar tau ka adat pengarap ti bula. Kitai mesti pansut ari pengarap ti bula lalu enda nyukong iya. (2 Korint 6:14-18; Pemandang 18:4) Udah kitai belajar ka pemendar pasal Petara, kitai mesti bejimat enda dilimpang ka orang ti ngajar pemula.—2 John 10, 11. 3. Tuchi Pendiau: Jehovah deka ka orang ti nyembah iya selalu nyadi orang Kristian ti bendar. (1 Peter 2:12) Iya meda semua utai dikereja kitai, indah ka belalai. (Hebrew 4:13) Kitai patut nyeliah ka ulah beleman enggau pengawa bukai ti enda tuchi di dunya tu.—1 Korint 6:9-11. 4. Tuchi Pikir: Enti kitai ngiri ati kitai enggau pikir ti tuchi, ulah pendiau kitai deka mega tuchi. (Pilipi 4:8) Tang enti kitai diau ba utai enda tuchi, iya deka ngujong ka pengawa jai. (Matthew 15:18-20) Kitai patut nyeliah ka pengerindang ti tau ngamah ka ati kitai. Kitai ulih ngiri ati kitai enggau pikir ti tuchi ari belajar ka Jako Petara. 5. Tuchi Tuboh: Laban sida ngari ka Petara, orang Kristian patut ngintu tuboh enggau gari sida tuchi. Kitai patut masu jari kitai udah ngena jamban, lalu kitai patut masu jari apin makai tauka megai pemakai. Enti nuan nadai alai muai tai kemi ti menuku, tai patut di tumbak. (Ulang Adat 23:12, 13) Ngintu pemeresi tuboh meri manah pengerai. Rumah orang Kristian patut manah kemas enggau tuchi ari dalam enggau di luar. Iya patut nyulut dalam raban bansa nyadi teladan ti manah. 6. Tuchi Jako: Anembiak Petara mesti selalu bejako ka pemendar. Pemula enda tau tama Perintah Petara. (Epesus 4:25; Pemandang 21:8) Orang Kristian enda ngena jako jai. Sida enda ninga tauka kamah tundi tauka cherita ti kamah. Kategal tuchi jako sida, sida nyulut ba kereja tauka ba sekula enggau dalam sida besemak.—Epesus 4:29, 31; 5:3.
|
Dikeluar dalam 1996 |
 |
Copyright © 2006 Watch Tower Bible and Tract Society of Pennsylvania. All rights reserved. |
|
