 |
Beliefs | Future | Medical | Topics | Contact Us | Publications | Languages |
| Nama Diguna Petara ari Kitai? | Pelajar 12  |
Meri Basa ka Nyawa enggau Darah |
|
 |
Baka ni kitai enggau nyawa? (1) bebuai anak? (1) |
|
Baka ni orang Kristian nunjok ka diri sedar? (2) |
|
Kati nya salah munoh jelu? (3) |
|
Nama sekeda pengawa ti enda meri basa ka nyawa? (4) |
|
Nama undang undang Petara ba darah? (5) |
|
Kati tu nyengkaum meri darah? (6) |
1. Jehovah nya Penatai nyawa. Semua utai idup berutang nyawa sida ba Petara. (Masmor 36:9) Nyawa nya kudus ba Petara. Indah ka nyawa anak ti apin ada dalam tuboh indai iya nya berega ba Petara. Munoh anak ti benong mansang baka tu enggau sengaja nya salah ba mata Petara.—Pemansut 21:22, 23; Masmor 127:3.
2. Orang Kristian ti bendar tetap nemu. Sida nentu ka kereta enggau rumah sida nya selamat. (Ulang Adat 22:8) Anembiak Petara enda berantu ka nyawa semina ka penyamai tauka pengerindu. Nya alai sida enda enggau dalam main kasar ti sengaja ngemedis ka orang bukai. Sida nyeliah ka pengerindang ti meransang kereja kasar.—Masmor 11:5; John 13:35. 3. Nyawa jelu mega kudus ba Penempa. Orang Kristian tau munoh jelu kena nyendia pemakai enggau gari tauka kena nyaga diri empu ari penyakit enggau bahaya. (Pemungkal 3:21; 9:3; Pemansut 21:28) Tang nya salah ngemedis jelu tauka munoh sida semina ka main tauka pengerindu.—Jako Dalam 12:10. 4. Nginsap, makai pinang, enggau makai dadah ambi ka pengerindu nya ukai ka orang Kristian. Pengawa tu nya salah laban (1) sida ngaga kitai nyadi ulun sida, (2) sida ngemedis tuboh kitai, lalu (3) nya enda tuchi. (Rome 6:19; 12:1; 2 Korint 7:1) Pedis bendar kitai muai gian tu. Tang kitai mesti ngereja kena ngeyamai ka ati Jehovah. 5. Darah mega kudus ba mata Petara. Petara madah ka semengat, tauka seput, nya dalam darah. Nya alai salah makai darah. Iya mega salah makai dagin jelu ti enda manah disembelih. Enti jelu dichekal tauka mati dalam panjok, iya enda tau dipakai. Enti iya ditumbok tauka ditimbak, iya mesti jampat disembelih enti iya deka dipakai.—Pemungkal 9:3, 4; Adat Lewi 17:13, 14; Kereja Rasul 15:28, 29. 6. Kati nya salah nerima darah? Ingat, Jehovah beguna ka kitai anang makai darah. Reti tu kitai mesti enda tau ngemasok ngagai tuboh kitai enggau sebarang chara darah orang bukai tauka indah darah ti udah disimpan. (Kereja Rasul 21:25) Nya alai orang Kristian ti bendar enda nerima darah. Sida deka nerima chara berubat ti bukai, baka nerima utai ukai ari darah. Sida deka idup, tang sida enda nguji ngidup ka seput sida ari ngelanggar undang-undang Petara.—Matthew 16:25. |
||
Dikeluar dalam 1996 |
 |
Copyright © 2006 Watch Tower Bible and Tract Society of Pennsylvania. All rights reserved. |
|
