1. Diatu nuan udah belajar ka maioh utai ti manah ari Bup Kudus. Penemu tu patut ngiring nuan nanam pemanah orang Kristian. (Epesus 4:22-24) Penemu ti baka nya beguna kena nuan ngulih ka idup meruan. (John 17:3) Tang, orang bukai mega beguna ka ninga berita manah awak ka sida tau sama diidup. Semua orang Kristian ti bendar mesti meri saksi ngagai orang bukai. Iya nya asoh petara.—Rome 10:10; 1 Korint 9:16; 1 Timoti 4:16.
2. Nuan tau berengkah magi ngagai sida ti semak nuan utai manah ti dipelajar nuan. Tusoi nya ngagai kita sabilik, pangan, diri sekelas, sama kereja. Anang enda nelap enggau liat ati leboh nuan ngereja nya. (2 Timoti 2:24, 25) Ingat laban orang selalu meda pendiau siko-siko lebih agi ari sida ti ninga ka jako iya. Nya alai pendiau nuan ti manah tau mai orang bukai deka ninga ka pesan ti dipadah nuan ngagai sida.—Matthew 5:16; 1 Peter 3:1, 2, 16.
3. Kelama, nuan tau berengkah ngajar sama enggau eklisia Saksi-Saksi Jehovah ti besemak. Tu langkah ti berat dalam pemansang nuan. (Matthew 24:14) Nama enda pengandal enti nuan ulih nulong orang bukai nyadi anembiak Jehovah lalu bulih idup meruan!—1 Tesalonika 2:19, 20. |
