Pemilih Nuan Betuai ka Petara

1. Kena nyadi pangan Petara, nuan mesti ngulih ka penemu ti manah pasal pemendar ari Bup Kudus (1 Timoti 2:3, 4), manggai ka pengarap ba utai ti udah dipelajar nuan (Hebrew 11:6), ngesal ka dosa nuan (Kereja Rasul 17:30, 31), enggau mutar dalam jalai pengidup nuan. (Kereja Rasul 3:19) Udah nya pengerindu nuan ka Petra patut mai nuan nyerah diri empu ngagai iya. Reti tu nya dalam sembiang nuan empu, nuan madah ka iya nuan meri diri empu ngagai iya deka ngereja peneka iya.—Matthew 16:24; 22:37.

2. Udah nuan nyerah diri ngagai Petara, nuan patut dibaptisa. (Matthew 28:19, 20) Baptisa ngasoh genap iko orang nemu nuan udah nyerah diri empu ngagai Jehovah. Nya alai baptisa nya semina ka sida ti chukup tuai tau nyerah betuai ka Petara. Leboh orang dibaptisa, semua tuboh iya patut diselam ka dalam ai sekejap aja.*—Mark 1:9, 10; Kereja Rasul 8:36.

3. Udah nuan nyerah diri, Jehovah naga ka nuan idup nitih ka nya janji nuan. (Masmor 50:14; Pengajar 5:4, 5) Antu deka nguji ngasoh nuan ngetu betuai ka Jehovah. (1 Peter 5:8) Tang semak ngagai Petara dalam sembiang. (Pilipi 4:6, 7) Belajar ka Jako iya genap hari. (Masmor 1:1-3) Lekat semak eklisia. (Hebrew 13:17) Enti ngereja semua tu, nuan deka bulih pengering kena mengkang talok ka Petara. Ka belama-lama nuan ulih ngereja utai ti diguna Petara ari nuan!

Deka nuan nerima maioh agi penerang tauka belajar Bup Kudus di rumah enggau nadai bebayar? Tulis ngagai Saksi-saksi Jehovah ba endor pendiau ti patut. Endor pendiau

* Pelajar ba Knowledge That Leads to Everlasting Life, tauka bup ti sebaka enggau nya dikeluar olih Watch Tower Bible and Tract Society, nya dikemendar kena nyendia ka baptisa.

Copyright © 2006 Watch Tower Bible and Tract Society of Pennsylvania. All rights reserved.