 |
Beliefs | Future | Medical | Topics | Contact Us | Publications | Languages |
| Inyoin Bo Ekoto Edeke Kane Kijaai Oni? | Aisisiaet 8  |
Aijaar Nakokale Naisiyalamikinit Edeke |
|
 |
Adoketait nakekilokit kokale nges ani? (1) |
|
Biai ibusakinitor ekilokit ayait akeberu? (2) |
|
Anyoika aswamisio nuepolok ejaatar ekilokit kokale? (3) |
|
Nuikamunitos aberu kokale kes anu? (4) |
|
Inyo ekoto Edeke kouriak kede k’odwe? (5) |
|
Biai esesenia Ebaibuli engerone kede elacit? (6, 7) |
1. Ebaibuli inera ebe ekilokit nges akou okokale ke. (1 Ikorinton 11:3) Ekilokit ibusakinit ajaut kaberu adiopet bon. Ibusakinit kes kodukokina ejok kwape ebalar ekisil.—1 Timoteo 3:2; Tito 3:1. 2. Ekilokit ekoto omina akeberu kwape eminar akekuan. Kibusakinit nges ayait akeberu kwape eyaitor Yesu ikesisiak. (Ipeson 5:25, 28, 29) Mam ibusakit nges adisa akeberu arai aitisilaanar odiopone kere. Konye ibusakinit nges ainakin akeberu angosibib kede aibuses.—Ikolosain 3:19; 1 Petero 3:7.
3. Ibusakinit papa aswam kagogong kanuka aisa ekekale. Ibusakinit nges awanyun ebe edumuni akeberu ka ikedwe inyamat, igoen; kaneboiet ido da inyamat luka emoyo. (1 Timoteo 5:8) Kingarenikini ngesi ekekale aisisiaun nuikamunito Edeke ka Akelosikineta.—Ikisila 6:4-9; Ipeson 6:4. 4. Aberu ibusakinit araut akengarakinan naejok kanejai okilenike. (Ageun 2:18) Ibusakinit nges aingarakin okilenike kotoma aisisianakin kede aitutuor ikecedwe. (Awaragasia 1:8) Ekoto Yawe aberu aidar ekekale kaminaanut. (Awaragasia 31:10, 15, 26, 27; Tito 2:4, 5) Ibusakinit aberu ajaut kayongit naepol nejai okilenike.—Ipeson 5:22, 23, 33. 5. Ekoto Edeke idwe arimarit ikeceka-uriak. (Ipeson 6:1-3) Emunor nges ikayuriak aicor ka aiteten ikecedwe. Ikauriak ibusakinit aiboyenen ka ikecedwe ka aisisia Ebaibuli kakes, kocoikitosi luka emoyo ka awomisio idwekec. (Ikisila 11:18, 19; Awaragasia 22:6, 15) Mam ekoto ikauriak aicor arai alecor idwe kotoma anyunyura arai adedeng.—Ikolosain 3:21.
6. Nejatatar luedukokina kede atiokisio nu apuponora, ibusakinit kes aitam aitwasom acoreta nuk’obaibuli. Icorakinit oni Ebaibuli aitoduun amina, ido ketimoko. (Ikolosain 3:12-14) Mam akirot Edeke ecamakinit engerone kwape eipone loitemokinet atiokisio nudidik. Konye Aberu epedori aseun ajalakin okilenike arai (1) kipaliiki ekilokit aigir aidar ekekale. (2) kededengar ekilokit kosodi angaleu ka aijar nakaberu ajaut ationis (3) kisikuro, ka amiki aberu aima Yawe.—1 Ikorinton 7:12, 13. 7. Luedukokina, ibusakinit koraasi luemunonoro. Adoteu erai adiakaret nakaereit Edeke kede kayenidukoki natar. (Iburanian 13:4) Ayelo kinga na edukone nges bon awadikayet na ecamakinit Ekristaiot elacit kosodi bobo adukokin ka ice. (Matayo 19:6-9; Iromayon 7:2, 3) Engara Yawe noi itunga alacakin kodukone komamei abwoyetait na ecamanara Awadikaeta nugayok kasodete aimany arai adukokin ice.—Malaki 2:14-16. |
||||
Kitolomunitai Kokaru 2000 |
 |
Copyright © 2006 Watch Tower Bible and Tract Society of Pennsylvania. All rights reserved. |
|
