 |
Beliefs | Future | Medical | Topics | Contact Us | Publications | Languages |
| Inyoin Bo Ekoto Edeke Kane Kijaai Oni? | Aisisiaet 9  |
Ikejanakinak Edeke Ibusakinit Kolaete |
|
 |
Kanukinyo ibusakinitor oni aila korotin kere? (1) |
|
Inyo apolou na aila komoyo? (2) aila koponesio? (3) aila kaomisio? (4) aila kakuwan? (5) |
|
Aanu ineresinei luman elaiete luibusakinit oni ainac? (6) |
1. Edeke Yawe eraai loelai ido lokalaunan. Ekoto ngesi ikejanakinak osalakinitos elaete—komoyo, oponesio, kaomisio kede kakuwan. (1 Petero 1:16) Eyangaikini agogong aimuket apaikin ilaii kakonyen k’Edeke. Kiboye oni kakwap kanamam elai. Kijaa imuket aitijii eimiel wok lo anueroko. Konye mam oni ibusakinit apalar. 
2. Aila Komoyo: Arai Kikoto oni aijanakin Yawe, mam oni iyatakini aimakakina toma aisisianakineta arai kononosio luka idiinin lukasabak. Ibusakinit oni anyoun kodinin lukasabak, komam bobo aigang kes koipone edio kere. (2 Ikorinton 6:14-18; Apukokinio 18:4) Nepekisisiauna oni abeit naka Edeke, ibusakinit acoit siri itunga luisisianakinete aisab kingalasi.—2 Yokana 10, 11. 3. Aila Koponesio: Ekoto Yawe ikemaak kojaasi kiponesio luka Ikristayon lukabeit kapakio kere. (1 Petero 2:12) Eseseni nges iboro kere luiswamai oni karaida kaiyeya. (Iburanian 4:13) Ibusakinit oni ainac ayelo kede aswamisio acie numam elaiete nukakwap kana.—1 Ikorinton 6:9-11. 4. Aila Kaomisio: Arai kiileleb oni adamawok kede aomisio nuelaiete, aswamisiowok do elaunete. (Ipilipin 4:8) Konye arai kimakakin oni oboro luman elaiete, eyauni ngin aswamisio nukarokok. (Matayo 15:18-20) Ibusakinit oni ainac aitelelio nu ipwokete awomisio wok. Kilelebikini adama wok kede awomisio nuelaiete kotoma aisisia Akirot naka Edeke. 5. Aila Kakuwan: Kanunarai ebwoikinitos Edeke, ibusakinit Ikristayon aidar akecewate kede ikece igoen da olaiete. Ibusakinit oni ailosenen akaninwok akaulo na aitosom acoloni, kelotata bobo eroko enyama inyamat arai eroko ijo kekoruna inyamat. Arai kemamei ecoloni, kobokik ebar kere kwap. (Ikisila 23:12, 13) Aitala akuan eyauni aijar naejok. Ere loka Ekristayot ibusakinit kitesegara ido kolai aimoriarit toma kitoni kinga da. Ekoto kobwoi ka atutubet kwape awanyunet naejok. 6. Einer Loelai: Ikejanakinak Edeke ibusakinit duc einer abeit. Ikasabak mam elomarete ajakanut naka Edeke. (Ipeson 4:25; Apukokinio 21:8) Ikristayon mam itosomayete angajep naerono. Mam itoikinete akit aipup aibe, karaida eyala lo asilianut. Kanuka einer kec lokajokan, eraunos kesi luegitakina, kaswam, kosomeroi kede koidunyet.—Ipeson 4:29, 31; 5:3.
|
Kitolomunitai Kokaru 2000 |
 |
Copyright © 2006 Watch Tower Bible and Tract Society of Pennsylvania. All rights reserved. |
|
