 |
Beliefs | Future | Medical | Topics | Kodolok Isio | Publications | Languages |
| Inyoin Bo Ekoto Edeke Kane Kijaai Oni? | Aisisiaet 12  |
Aitoduun Ayongit Mama Ejai Aijar ka Aokot |
|
 |
Biai ibusakinitor oni asesen Aijar? (1) aicikun akoik? (1) |
|
Biai itodunatar Ikristayon ebe ecoikinitos kes nuka ayuwara? (2) |
|
Erono kereka aiyar itiang? (3) |
|
Anu aswamisio nu itodunitos amamus ayongit aijar? (4) |
|
Inyo ebala ekisil k’Edeke kanuka aokot? (5) |
|
Imoriarit aiyat naka aokot da? (6) |
1. Yawe nges alibunet naka aijar. Iboro kere luejarete elibunit aijar kec kanejai Edeke. (Isabulin 36:9) Erai aijar na kalaunan kanejai Edeke. Karaida aijar naka imukeru kakoik katotoke erai naketai noi kanejai Yawe. Aiyar imukeru ngin kalosikinet erono noi kakonye Edeke.—Anyoun 21:22, 23; Isabulin 127:3.
2. Ikristayon lukabeit ecoikinitos nuka ayuwara. Ikwenyara kes awanyun ebe imotokan ka irieria kec ejai ayuwara. (Ikisila 22:8) Ikejanakinak Edeke mam eboliatatar aijar kanuka aitelelio karaida kanuka aiyalama. Aso mam kes emorete toma aboliasio nu epeleikinere aimusung luce. Inacitos kes aitelelio naitogogongorit adedengu.—Isabulin 11:5; Yokana 13:35. 3. Aijar nakitiang da erai nakalaunan kanejai Lokasuban. Epedori Ekristayot aiyar itiang kanu adumun inyamat kede igoen arai kanuka ayuwar akekuwan kotoma adeka keda ationis. (Ageun 3:21; 9:3; Anyoun 21:28) Konye erono aitisilar itiang karaida aiyara kanuka abolia arai aitelelio.—Awaragasia 12:10. 4. Aimat esigala, anyaka emarungi keda aitosom ikee kanuka aitelelio mam erai naka ikristayon. Aswamisio nu eroko narai, (1) itiraunete oni ibulesin kec, (2) Emunaunete awatewok, (3) Mam elaiete. (Iromayon 6:19; 12:1; 2 Ikoriton 7:1) Acepak etiono noi ajalakin aswamisio nu. Konye ibusakinit oni aswam kwangin kanu aisialamikin Yawe. 5. Aokot da erasi nukalaunak kakonye Edeke. Ebala Edeke ebe etau, arai aijar, ejai toma aokot. Kanukangun erono ainyam aokot. Boboda erono ainyam akiring naketiang namam aokot ewiunitos kinga kere ejok. Arai kemiedi etiang, kotwanik akuluma, mam ibusakinit ainyam. Arai keremi araibo kinomi ka emudu ibusakinit ainakin koiyi ejok katipet arai ebeit ainyam.—Ageun 9:3, 4; Ilebin 17:13, 14; Aswamisio 15:28, 29. 6. Erono acamun aiyatakinio aokot? Kiitu, Yawe ekoto oni aisac aokot. Apolouke ebe mam ibusakinit oni aitolomikin toma awatewok koipone edio kere aokot icetunga karaida nupewok nukengaditai. (Aswamisio 21:25) Aso Ikristayon lukabeit mam ecamunete aiyatakinio aokot. Ecamunete kes adiomukian kwapenat, aiyasio na iboro nuka adekis nuemamete aokot. Ekotosi kes aijar, konye mam kes etamete alakun aijar kec kopone ka lo aibil ekisil k’Edeke.—Matayo 16:25. |
||
Inomunitai 2000 |
 |
Copyright © 2010 Watch Tower Bible and Tract Society of Pennsylvania. All rights reserved. |
|
