 |
Beliefs | Future | Medical | Topics | Contact Us | Publications | Languages |
| Inyoin Bo Ekoto Edeke Kane Kijaai Oni? | Aisisiaet 14  |
Epone Lo Etenitotor Ijenak ke ka Yawe |
|
 |
Iwori bo ageunotor ijenak ke ka Yawe luka kwana? (1) |
|
Biai bo ingarenikinitere aurianeta Ijenak ke ka Yawe? (2) |
|
Kopone kani eponatar isirigin luitosomao? (3) |
|
Ingai ingarenikit kotoma kangin tukot? (4) |
|
Aurianeta anu nuepolok nuepikanakino kangol karu? (5) |
|
Aswan anyoin iswamao kaniengarenikinitere keda oyapesin luka atenueik? (6) |
1. Ageunio naka Ijenak ke ka Yawe lukakwana arai okaru lo 1870. Kageunet, kenyaritai kes kwape Ikesisiak Ebaibuli. Konye kokaru lo 1931, apotu korokutu ekiror Ijenak ke ka Yawe lo Baibuli. (Isaia 43:10) Kotoma ageunet kanadit, apolori atukot kiton aritai akwat kakwat luka Ijenak, luekukunyasi alimonikin kotoma akwapin nuedeparitos 230. 
2. Katukosia nuipu nuka Ijenak ke ka Yawe ejasi ka aurianeta irwanauni kangol sabiti. Isukunyukinitai ijo ajaikin adiopet kanu. (Iburanian 10:24, 25) Aicatuneta kanuisisianakinio elomunitos k’Obaibuli. Aurianeta nu epukorio ka agolokin keda ailip. ‘Ikososinei nuimyela etau luka emoyo’ ewoio kaurianeta nuipu. (Ipeson 5:18, 19) Acamakinet erai atitai, mam ijaiyo ikapun.—Matayo 10:8. 3. Atukono nuipu kiriamanakinos toma Ogaago Loka Ajakanut. Erasi nu aduketa nuepataka nuedukunitos Ijenak ikulepek. Mam ijo iwanyuni Aputosia, imusalaban ka ice Ogaago Loka Ajakanut. Isirigin luitosomao epote kotoma ainanakineta nueseuni nginitunganan alemun. Ngul luekotosi ainakin ainanakineta, ejai asaduku naka ainakineta.—2 Ikorinton 9:7.
4. Kangin tukot, ejasi ka imakio arai ikaanyanarak. Kingarenikinitos kes kotama aisisianakin atukot. (1 Timoteo 3:1-7; 5:17) Ingarakinitos kes ikejaanakinak. (1 Timoteo 3:8-10, 12, 13) Mam itopoloritai lu adepar luce katukot. (2 Ikorinton 1:24) Mam ijaikinitai kes adoketa nuesegara. (Matayo 23:8-10) Mam kes enapete kogitara kotoma luce. Mam etacio kes kanu aswam kec. Esesenete imakiyo kainakina kec kere nuka emoyo nuekot atukot. Ijaikinete kes aitalakar keda aingarenikinio kapakio nuka ationis.—Yakobo 5:14-16; 1 Petero 5:2, 3. 5. Ijenak ke ka Yawe ipikanakinete bobo kesi Atukonokineta nuepolok kango karu. Kapakio kanu atukono nuipu iriamunos nepepe kanu adumun aicorio nakegelakin k’Obaibuli. Aibatisao naka ikesisiak luitetiak ejaunun duc atukonokineta kwat kanu.—Matayo 3:13-17; 28:19, 20. 6. Aiboisit nakapolon akere na eyaitere ijenak ke ka Yawe ejai toma New York. Ne nes ejai Apugan naka atorom, atukot nakokiding naka imakio luadautu apak naepol ido ewanyanarete kesi atukot naka akwap kere. Ejasi bobo iyapesin luka atenueik nuka atukot luedeparitos 100 kakwap kere. Kaiboisio kanu, iwadikaite lukeyinakina keda da aijukanar itaboi luka Ebaibuli atukono. Kijaikinio bobo da aicoreta nuka aswam kana alimonokin. Inyo mam itemokinor aipejiokin eyapesi loka atenut na iyapiatatar ijo?
|
|||
Kitolomunitai Kokaru 2000 |
 |
Copyright © 2006 Watch Tower Bible and Tract Society of Pennsylvania. All rights reserved. |
|
