Ti Pangngeddengyo nga Agserbi iti Dios

1. Tapno agbalinkay a gayyem ti Dios, masapul a gumun-odkayo iti nasayaat a pannakaammo iti kinapudno ti Biblia (1 Timoteo 2:3, 4), mamatikayo kadagiti banag a nasursuroyo (Hebreo 11:6), pagbabawianyo dagiti basolyo (Aramid 17:30, 31), ken tallikudanyo ti wagas ti panagbiagyo. (Aramid 3:19) Kalpasanna, rebbeng a tignayennakayo ti ayatyo iti Dios a mangidedikar iti bagiyo kenkuana. Kaipapanan daytoy nga iti personal, pribado a kararag, ibagayo [iti Dios] nga ipaayyo ti bagiyo kenkuana tapno aramidenyo ti pagayatanna.—Mateo 16:24; 22:37.

2. No nakapagdedikarkayon iti Dios, rebbeng a mabautisarankayo. (Mateo 28:19, 20) Babaen ti bautismo maammuan ti amin nga indedikaryon ti bagiyo ken Jehova. Isu a dagidiay laeng addan iti husto nga edad a makaikeddeng nga agserbi iti Dios ti mabalin a bautisaran. No mabautisaran ti maysa a tao, masapul a maitaneb iti danum ti intero a bagina iti apagbiit.*—Marcos 1:9, 10; Aramid 8:36.

3. No nakapagdedikarkayon, namnamaen ni Jehova a tungpalenyo ti kariyo. (Salmo 50:14; Eclesiastes 5:4, 5) Ikagumaannakay a pasardengen ti Diablo nga agserbi ken Jehova. (1 Pedro 5:8) Ngem umadanikayo iti Dios babaen ti kararag. (Filipos 4:6, 7) Inaldaw nga adalenyo ti Saona. (Salmo 1:1-3) Agtalinaedkay a nadekket iti kongregasion. (Hebreo 13:17) No aramidenyo amin daytoy, magun-odyo ti pigsa tapno makapagtalinaed a matalek iti Dios. Iti kasta, mabalinyo nga aramiden dagiti banag a kalikaguman ti Dios kadakayo iti agnanayon!

Kayatyo kadi ti ad-adu pay nga impormasion wenno libre a mayadalan iti Biblia iti pagtaenganyo? Agsuratkayo kadagiti Saksi ni Jehova iti maitutop nga address. Dagiti Address

* Kas panagsagana iti bautismo, mairekomenda ti panagadal iti Pannakaammo a Mangiturong iti Biag nga Agnanayon, wenno iti umasping a libro nga impablaak ti Watch Tower Bible and Tract Society.

Copyright © 2008 Watch Tower Bible and Tract Society of Pennsylvania. All rights reserved.