 |
Beliefs | Future | Medical | Topics | Contact Us | Publications | Languages |
| Ala be mun ɲini an fɛ? | Kalansen 2  |
Ala ye jɔn lo ye? |
|
 |
Tiɲɛn Ala ye jɔn lo ye, ani a tɔgɔ ko di? (1, 2) |
|
Fari sifa juman lo b’a la? (3) |
|
A jogo kabakomanw ye jumanw ye? (4) |
|
Yala an ka ɲi ka tɛmɛ jaaw wala fɛɛn bisigiw fɛ k’a bato wa? (5) |
|
Cogo fila juman fɛ an be se ka lɔnniya sɔrɔ Ala koo la? (6) |
1. Mɔgɔw be fɛɛn caaman bato. Nka Bibulu b’a fɔ an ye ko TIƝƐN Ala kelenpe dɔrɔn lo be yen. Ale lo ye fɛɛn bɛɛ dan sankolo la ani dugukolo kan. Komi ale lo ye ɲɛnamaya di an ma, an ka kan ka Ale kelenpe lo bato.—1 Kɔrɛntekaw 8:5, 6; Jirali 4:11.
2. Bonyali tɔgɔ caaman be Ala la, nka tɔgɔgwɛ kelenpe lo b’a la. O tɔgɔ ko JEHOVA. Bibulu caaman kɔnɔ, Ala tɔgɔ bɔra yen ka falen ni bonyali tɔgɔw ye i n’a fɔ MATIGI wala ALA. Nka Bibulu sɛbɛra tuma min na, a tɔgɔ Jehova tun be sɔrɔ a kɔnɔ siɲɛ 7 000!—Ekisode 3:15; Zaburuw 83:19. 3. Fari be Jehova la, nka a tɛ i n’a fɔ an ta. Bibulu b’a fɔ ko “Ala ye hakililama ye” (Yuhana 4:24). Hakililama ye ɲɛnamaya sifa dɔ ye min kɔrɔtalen lo kɔsɔbɛ ka tɛmɛ an ta kan. Hadamaden si ma deli ka Ala ye. Jehova sigilen be sankolo la nka a be se ka fɛɛn bɛɛ ye. (Zaburuw 11:4, 5; Yuhana 1:18). Hakili senu ye mun ye? A tɛ mɔgɔ ye i ko Ala. Nka Ala ka barika lo, min fɛ a be kɛwalew kɛ.—Zaburuw 104:30. 4. Bibulu be Jehova jogow yira an na. A b’a yira ko a jogo kabakomanw ye kanuya, tilennenya, hakilitigiya ani sebagaya ye (Dutɛrɔnɔmɛ 32:4; Job 12:13; Esayi 40:26; 1 Yuhana 4:8). Bibulu b’a fɔ an ye ko a fana be hinɛ, a ka ɲi, a be yafali kɛ, a be sɔnni kɛ, ani a be muɲu. I ko kanminɛlidenw, an ka kan k’a ɲini k’ale ladege.—Efesekaw 5:1, 2.
5. An ka bato la, yala an ka kan k’an biri boliw, jaaw, wala fɛɛn bisigiw kɔrɔ wala k’u deli wa? Ayi (Ekisode 20:4, 5)! Jehova ko an ka kan ka ale kelenpe lo bato. A tɛna a ka nɔɔrɔ tilan ni mɔgɔ wala fɛɛn wɛrɛ ye. See tɛ boliw ye k’an dɛmɛ.—Zaburuw 115:4-8; Esayi 42:8. 6. Cogo juman fɛ an be se ka lɔnniya fisaman sɔrɔ Ala koo la? Cogo dɔ ye k’a ka fɛɛn dannenw lajɛ ani ka miiri koɲuman u kan, u be an kalan min na. Ala ka fɛɛn dannenw b’a yira an na ko Ala be ni sebagayaba ni hakilitigiyaba ye. A ka kanuya be ye a ka fɛɛn dannenw bɛɛ la (Zaburuw 19:1-7; Romɛkaw 1:20). Cogo wɛrɛ min fɛ an be se ka lɔnniya sɔrɔ Ala koo la, o ye ka Bibulu kalan. O kɔnɔ, a b’a fɔ an ye cogo fisaman na ale ye Ala sugu min ye. A fana b’a sagonata ɲɛfɔ an ye, ani a b’a fɛ ka min kɛ.—Amos 3:7; 2 Timote 3:16, 17. |
|
A bɛra saan 2000 na |
 |
Copyright © 2006 Watch Tower Bible and Tract Society of Pennsylvania. All rights reserved. |
|
