 |
Beliefs | Future | Medical | Topics | Contact Us | Publications | Languages |
| Ala be mun ɲini an fɛ? | Kalansen 12  |
An ka bonya la niin ani joli kan |
|
 |
An ka kan ka niin jati cogo di? (1) ka kɔnɔcɛn jati cogo di? (1) |
|
Cogo juman na kerecɛnw b’a yira ko u b’u janto faratikow la? (2) |
|
Yala a ka jugu ka bɛgɛnw faga wa? (3) |
|
Kɛcogoya dɔw juman b’a yira ko bonya ma la niin kan? (4) |
|
Ala ka sariya ye juman ye joli koo la? (5) |
|
Ka joli don mɔgɔ la, yala o seen b’a la wa? (6) |
1. Niin be bɔ Jehova lo yɔrɔ. Ala ka juru be fɛɛn ɲɛnamanw bɛɛ kan ka taga niin ta fan fɛ (Zaburuw 36:9). Ala fɛ, niin ka senu. Denɲɛni niin ye fɛɛn sɔngɔba ye Jehova fɛ hali n’a be a bamuso kɔnɔ na fɔlɔ. K’a dabɔ a kama k’o ɲɔgɔnna den bonyatɔ faga, o ka jugu Ala ɲɛ kɔrɔ.—Ekisode 21:22, 23; Zaburuw 127:3.
2. Kerecɛn lakikaw b’u janto faratikow la. U b’a sɛgɛsɛgɛ ka filɛ ni farati foyi tɛ yen u ka mobili wala u ka soo la (Dutɛrɔnɔmɛ 22:8). Ala ka baarakɛlaw t’u niin don gwansan farati la dianye wala jarabi dɔrɔn kama. O kama, u t’u seen don tulon faratimaw la minw dabɔra ka mɔgɔ jogi. U b’u tanga ɲɛnagwɛw ma minw be mɔgɔ jija fariya kɛli la.—Zaburuw 11:5; Yuhana 13:35. 3. Bɛgɛn fana niin ka senu danbaga fɛ. Kerecɛn be se ka bɛgɛn faga domuni ni fani kama wala k’a yɛrɛ tanga bana ni farati ma (Jenɛse 3:21; 9:3; Ekisode 21:28). Nka, ka bɛgɛnw tɔɔrɔ wala k’u faga tulon wala diyanye dama kama, o man ɲi.—Ntalenw 12:10. 4. Ka sigɛrɛti min, ka betɛl kisɛ ɲimi, ani ka dɔrɔgi ta diyanye kama, o ma daga kerecɛn fɛ. O kɛcogoyaw man ɲi sabu (1) u b’an kɛ u ka jɔɔnw ye, (2) u b’an farikolo tiɲɛ, ani (3) u nɔgɔlenw lo (Romɛkaw 6:19; 12:1; 2 Kɔrɛntekaw 7:1). A be se ka gwɛlɛya kɔsɔbɛ k’o delinankow dabila. Nka an ka kan k’u dabila walisa ka diya Jehova ye. 5. Joli fana ka senu Ala ɲɛ na. Ala ko niin wala ɲɛnamaya be joli la. O la, a man ɲi ka joli domu. A fana man ɲi ka bɛgɛn sogo domu n’o bɛgɛn basi ma bon koɲuman. Bɛgɛn kaan mana dɛrɛ fɔɔ k’a faga, wala a mana sa jan kɔnɔ, a man kan ka domu. Ni tama wala kisɛ lo y’a faga, a basi ka kan ka bon teliya la ni domuta lo.—Jenɛse 9:3, 4; Levitike 17:13, 14; Kɛwalew 15:28, 29. 6. Ka sɔn joli ka don i fari la, yala o ka jugu wa? I hakili to a la ko Jehova b’a ɲini an fɛ an k’an tanga joli ma. O kɔrɔ ko, cogo si la, an man kan ka mɔgɔ wɛrɛ ka joli don an fari la wala an yɛrɛ ta n’an tun kɔnna k’a bɔ ka mara (Kɛwalew 21:25). O la, kerecɛn lakikaw tɛ sɔn joli ka don u fari la. U be sɔn dɔgɔtɔrɔ furakɛli cogoya wɛrɛw la, i n’a fɔ ka fura jolintan don u la. U b’a fɛ ka balo, nka u tɛn’a ɲini k’u niin kisi u kɛtɔ ka Ala ka sariya tiɲɛ.—Matiyu 16:25. |
||
A bɛra saan 2000 na |
 |
Copyright © 2006 Watch Tower Bible and Tract Society of Pennsylvania. All rights reserved. |
|
