I ka latigɛli ka baara kɛ Ala ye

1. Walisa ka kɛ Ala teri ye, i ka kan ka Bibulu ka tiɲɛn lɔnniya ɲuman sɔrɔ (1 Timote 2:3, 4), ka lanaya la i ka fɛɛn kalannenw kan (Heburuw 11:6), ka nimisa i ka jurumuw la (Kɛwalew 17:30, 31), ani k’i ka ɲɛnamaya kɛcogoya yɛlɛma (Kɛwalew 3:19). O la, Ala ka kanuya min b’i la, o bena i bila ka i yɛrɛkun di a ma. O kɔrɔ ko, i tɔgɔla delili dɔ kɔnɔ i dan na, i b’a fɔ a ye k’i b’i yɛrɛ d’a ma k’a sagoya kɛ.—Matiyu 16:24; 22:37.

2. N’i ye i yɛrɛkun di Ala ma ka ban, i ka ɲi ka batise (Matiyu 28:19, 20). Batɛmu b’a to mɔgɔ bɛɛ k’a lɔn k’i ye i yɛrɛkun di Jehova ma. O la, batɛmu bɛnnen be dɔrɔn mɔgɔw ma minw ɲanatigɛra k’a latigɛ ka baara kɛ Ala ye. Mɔgɔ be batise tuma min na, a fari kuturu bɛɛ ka kan ka tunu jii la wagati kunkurunin kɔnɔ.*—Marka 1:9, 10; Kɛwalew 8:36.

3. N’i ye i yɛrɛkun di, Jehova b’a ɲini i fɛ i ka ɲɛnamaya kɛ ka kɛɲɛ n’i ka lahidu ye (Zaburuw 50:14; Eklesiaste 5:4, 5). Naafigi bena a ɲini k’i lalɔ Jehova ka baara la (1 Piɛre 5:8). Nka i k’i magwɛrɛ Ala la delili fɛ (Filipekaw 4:6, 7). A ka Kuma kalan loon o loon (Zaburuw 1:1-3). I ka nɔrɔ kɔngeregasiyɔn na (Heburuw 13:17). N’i y’o bɛɛ kɛ, i bena fanga sɔrɔ ka kantigiya mara Ala ye. O tuma, wagati banbali kɔnɔ, i bena se ka koow kɛ, Ala be minw ɲini i fɛ!

Yala i be kunnafoni wɛrɛw wala bibulukalan sarabali fɛ wa? Tɛmɛ jukɔrɔla ladɛrɛsi kɛɲɛnɛn dɔ fɛ ka sɛbɛ ci Jehova Seerew ma. Ladɛrɛsiw

* Walisa k’i labɛn batɛmu kama, a ɲininen be i ka kitabu nin kalan: Dɔnniya min bɛ na ni ɲɛnamaya banbali ye, wala a ɲɔgɔnna wɛrɛ, minw bɔra Watch Tower Bible and Tract Society fɛ.

Copyright © 2006 Watch Tower Bible and Tract Society of Pennsylvania. All rights reserved.