 |
Beliefs | Future | Medical | Topics | Contact Us | Publications | Languages |
| Acu i d-iṭalab Ṛebbi seg-nneγ ? | Timeγri 2  |
Anwa i d Ṛebbi ? |
|
 |
Anwa i d Ṛebbi n ṣṣaḥ, anwa i d isem-is ? (1, 2) |
|
Acu n ṣṣenf n lǧeţţa yesɛa ? (3) |
|
Anti i d ṣṣifat-ines ifazen ? (4) |
|
Ma yeṣlaḥ an-nsexdem lmeṣnuɛat naγ rrumuz di lɛibada-nneγ i Ṛebbi ? (5) |
|
Acu-ten sin ţţawilat s wacu ara nelmed a nissin Ṛebbi ? (6) |
1. Imdanen ţɛabiden aṭas n leḥwayeǧ. Lameɛna Adlis Iqedsen yeqqaṛ-aγ-d belli ala yiwen Ṛebbi n TIDEŢ i gellan. D neţţa i gxelqen kullec ama deg igenwan ama af lqaɛa. Imi i γ-d-yefka tudert, d neţţa kan i γ-ilaq a neɛbed. — 1 At Kurintus 8:5, 6 ; Aweḥḥi 4:11.
2. Ṛebbi isɛa aṭas n izwilen lameɛna isɛa yiwen n yisem kan. Isem-agi d YAHWA. Aṭas n iṭerjamen ksen isem n Ṛebbi u rran deg wemkan-is izwilen am SSID naγ ṚEBBI deg Wedlis Iqedsen. Walakin assmi yeţwakteb Wedlis Iqedsen, isem Yahwa yella degs azal n 7 000 n tikkal ! — Tuffγa 3:15 ; Ihellilen 83:18. 3. Yahwa yesɛa lǧeţţa, lameɛna temxalaf af tin-nneγ. Yenna Wedlis Iqedsen : “ Ṛebbi d ṛṛuḥ ” (Yuḥenna 4:24). Ṛṛuḥ d ṣṣenf n tudert yugaren tin-nneγ s waṭas. Ulac amdan i geẓṛan Ṛebbi. Yahwa yella deg igenwan lameɛna yezmer ad iwali kullec. (Ihellilen 11:4, 5 ; Yuḥenna 1:18). D acu i d ṛṛuḥ iqedsen ? Mačči d Ṛebbi naγ d ḥed : ţ-ţazmert taceγlant n Ṛebbi. — Ihellilen 104:30. 4. Adlis Iqedsen isbeggen-aγ-d tugna n Ṛebbi. Isken-aγ-d ṣṣifat-ines tixlafin : leḥmala, lḥeqq, lekyasa, akk-d lquḍṛa (Asmekti 32:4 ; Yub 12:13 ; Iceɛya 40:26 ; 1 Yuḥenna 4:8). Adlis Iqedsen iqaṛ-aγ-d daγen belli Ṛebbi d bu-ṛṛeḥma, d aḥnin, iţsammaḥ, d asaxi, d aṣebṛi. Nukni, am arrac i geţaγen awal, a nebγu a t-nemtel. — At Ifasus 5:1, 2.
5. Ma Ilaq-aγ a neṛkeɛ naγ a nẓall zdat lmeṣnuɛat, ţţaweṛ d izamulen di lɛibada-nneγ ? Xaṭi ! (Tuffγa 20:4, 5) Yahwa iqaṛ-ed belli ilaq a t-naɛbed neţţa kan. Ur icerrek ara lɛaḍima-s d ḥed nniḍen naγ d kra n tγawsa. Lmeṣnuɛat ur sɛant ara tazmert akken a γ-ɛiwnent. — Ihellilen 115:4-8 ; Iceɛya 42:8. 6. Amek i nezmer a nissin Ṛebbi akteṛ ? Hata yiwen ţţawil : nezmer a nmuqel leḥwayeǧ i d-ixleq Ṛebbi wa nmeyyez af ayen i γ-d-mmalent fellas. Lexliqa n Ṛebbi teţbeggin-aγ-d lquḍṛa d lekyasa-yines timeqqṛanin. Leḥmala-yines tban-ed deg wayen akk i gexdem (Ihellilen 19:1-6 ; At Ṛuma 1:20). Ţţawil nniḍen s wacu ara nizmir a nissin Ṛebbi d leqṛaya n Wedlis Iqedsen. Degs yessefham-aγ-d akteṛ acu n ṣṣenf n Ṛebbi i gella. Yeqqaṛ-aγ daγen lmeqṣud-is d wayen i gebγa a t-nexdem. — Σamus 3:7 ; 2 Timuti 3:16, 17. |
|
Teffeγ-ed di 2007 |
 |
Copyright © 2008 Watch Tower Bible and Tract Society of Pennsylvania. All rights reserved. |
|
