Anwa i d Σisa Lmasiḥ ?

1. Σisa yella d ṛṛuḥ deg igenwan, uqbel ad yass af lqaɛa. D lexliqa tamezwarut n Ṛebbi, af aya yeţţusemma “ Mmis amenzu ” n Ṛebbi (At Kulus 1:15 ; Aweḥḥi 3:14). Siwa Σisa i gexleq Ṛebbi s iman-is. Deg igenwan, Σisa yella d ”aqeddac iẓewṛen” n Yahwa ; d neţţa i gsexdem Yahwa akken ad ixleq leḥwayeǧ nniḍen meṛṛa, ama deg igenwan ama af lqaɛa (Lemtul 8:22-31 ; At Kulus 1:16, 17). Σisa d imsebded amezwaru n Ṛebbi. Af sebba-yagi i geţţusemma “ Awal ”. — Yuḥenna 1:1-3 ; Aweḥḥi 19:13.

2. Ṛebbi iceyyeɛ-ed Mmi-s af lqaɛa imi gsers tudert n Σisa di tɛebbuṭ n Meryem. Ihi, baba-s n Σisa mačči d amdan. Γef aya ur yewṛit ula d yiwen n ddnub naγ kra n lixṣaṣ. Ṛebbi iceyyeɛ-ed Σisa af lqaɛa i tlata n sebbat : 1) a γ-iselmed tideţ af Ṛebbi (Yuḥenna 18:37), 2) ad iqqim d unṣiḥ ikemlen, akken a γ-yeǧǧ lemtel ara neţbeɛ (1 Buṭrus 2:21), 3) ad isebbel tudert-is akken a nemneɛ si ddnub akk-d lmut. Acimi ilaq waya ? — Matta 20:28.

3. Imi ur yuγ ara awal i lameṛ n Ṛebbi, amdan amezwaru, Adem, ixdem ayen yisemma Wedlis Iqedsen “ ddnub ”. Af aya Ṛebbi yeḥkem fellas s lmut (Laṣel n ddunit 3:17-19). Imi ur yiwiḍ ara ar wayen i geṭalab Ṛebbi, ur yeqqim ara d ukmil. Cwiṭ cwiṭ ibda yeţţiwsir, umbɛed immut. Adem isenṭeḍ ddnub i tarwa-s meṛṛa. Af aya i neţţiwsir, neţţaḍen, u neţmeţţat. Amek imdanen ad izmiren aţ-ţuselleken ? — At Ṛuma 3:23 ; 5:12.

4. Σisa yella d amdan ikemlen am Adem. Acu kan Σisa yuγ-as awal i Ṛebbi s lekmal, ula deg ujeṛṛeb ameqqṛan. Af sebba-yagi i gezmer ad isebbel tudert-is n wemdan ikemlen akken ad iγṛem ayen isṛuḥ Adem s ddnub-is. D ayen yisemma Wedlis Iqedsen “ lfidya ”. S lfidya-yagi, arraw n Adem zemren ihi aţ-ţwaselken si lḥekma n lmut. Wid akk isɛan liman di Σisa zemren a sen-ţwaɛfun ddnubat-nsen w’a sen-ţţunefk tudert n dayem. — 1 Timuti 2:5, 6 ; Yuḥenna 3:16 ; At Ṛuma 5:18, 19.

Deg uγlif-is Σisa yeselmad, ixdem lbeṛhanat ; ula d tudert-is isebbel-iţ fellaneγ.

5. Assmi yella af lqaɛa, Σisa iseḥla imuḍan, icečč wid illuẓen, iseḥbes tibuciḍanin. Ula d lmeytin iseḥya-ten-id. Acuγeṛ i gexdem lbeṛhanat ? 1) γaḍen-t medden illan di cedda, yebγa a ten-iɛiwen. 2) Lbeṛhanat-ines seknent-ed belli d Mmis n Ṛebbi i gella. 3) Seknent-ed daγen acu ara yexdem i yemdanen imḍuɛiyen assm’ara yuγal d Agellid af lqaɛa. — Matta 14:14 ; Maṛqus 2:10-12 ; Yuḥenna 5:28, 29.

6. Σisa yemmut u Ṛebbi iseḥya-t-id d ṛṛuḥ, ssyen yuγal γer igenwan (1 Buṭrus 3:18). Seg imiren Ṛebbi yesbeddit d Agellid. Qṛib ad ikkes Σisa dγel d ceddat meṛṛa af lqaɛa. — Ihellilen 37:9-11 ; Lemtul 2:21, 22.

Copyright © 2008 Watch Tower Bible and Tract Society of Pennsylvania. All rights reserved.