 |
Beliefs | Future | Medical | Topics | Contact Us | Publications | Languages |
| Acu i d-iṭalab Ṛebbi seg-nneγ ? | Timeγri 5  |
D acu d lmeqṣud n Ṛebbi i lqaɛa ? |
|
 |
Acuγeṛ Yahwa ixelq-ed lqaɛa ? (1, 2) |
|
Acuγeṛ lqaɛa ur telli yara d lǧennet ass-a ? (3) |
|
Acu ara yeḍṛun i yemcumen ? (4) |
|
Acu ara yexdem Σisa ar zdat i yimuḍan, i yemγaṛen akk-d lmeytin ? (5, 6) |
|
Akken aţ-ţesfaydim s lbaṛakat i d-iţţeddun, acu i wen-ilaq aţ-ţxedmem ? (7) |
1. Yahwa ixelq-ed lqaɛa-yagi akken imdanen ad zemren ad ɛicen fellas d iseɛdiyen i dima. Lebγi n Yahwa i lqaɛa : ad zedγen fellas uṣwiben di ssɛada i dima (Ihellilen 115:16 ; Iceɛya 45:18). Werǧin aţ-ţenger lqaɛa ; lameɛna aţ-ţeqqim i dima. — Ihellilen 104:5 ; Amusnaw 1:4. 2. Uqbel ad ixleq amdan, Ṛebbi yextaṛ yiwen wemkan amecṭuḥ af lqaɛa u yerra-t d lǧennet igerzen. Isemma-yas urti n Laɛden. Dagi i gsers argaz ţ-ţmeṭṭut imezwura, Adem d Ḥewwa. Iqṣed Ṛebbi ad sɛun dderya wa’d ɛemṛen lqaɛa meṛṛa. Mţilaq, ad rren kra kra lqaɛa meṛṛa d lǧennet. — Laṣel n ddunit 1:28 ; 2:8, 15.
3. Adem d Ḥewwa denben assmi ɛuṣṣan s ţţɛemda ccariɛa n Ṛebbi. Ihi Yahwa isuffeγ-iten-id seg urti n Laɛden. Lǧennet tejla (Laṣel n ddunit 3:1-6, 23). Lameɛna Yahwa ur yeţţu yara lmeqṣud-ines amezwaru yeɛnan lqaɛa-yagi. Iɛuhed ad yerr lqaɛa d lǧennet anda yemdanen ad idiren i dima. Amek ara yexdem annect-a ? — Ihellilen 37:29. 4. Uqbel lqaɛa-yagi aţ-ţizmir aţ-ţuγal d lǧennet, ilaq ad ţwaksen segs imcumen (Ihellilen 37:38). Ad iḍṛu waya di Harmaǧidun, yellan d lfetna n Ṛebbi ara yeksen cceṛ. Umbɛed, Cciṭan ad iţwaḥbes 1 000 iseggwasen. Akka ihi, ur ţţillin ara imcumen ara yesefsaden lqaɛa. Ala agdud n Ṛebbi ara yeţţuselken. — Aweḥḥi 16:14, 16 ; 20:1-3. 5. Dγa Σisa Lmasiḥ ad yilli d Agellid ara iḥekmen af lqaɛa meṛṛa 1 000 iseggwasen (Aweḥḥi 20:6). Kra kra, ad ikkes ddnub di leɛqul akk-d lǧeţţat-nneγ. A nuγal d imdanen ikemlen am akken llan Adem d Ḥewwa uqbel ad denben. Imiren, aṭṭan, tewser akk-d lmut ur ţillin ara maḍi. Imuḍan ad ḥlun, imγaṛen a sen-ţuγal temẓi-nsen. — Yub 33:25 ; Iceɛya 33:24 ; Aweḥḥi 21:3, 4. 6. Di tgeldit n Σisa ara yedumen 1 000 iseggwasen, imdanen unṣiḥen ad xedmen akken ad erren lqaɛa meṛṛa d lǧennet (Luqa 23:43). Yerna, imelyan n lmeytin ad ḥyun i tudert af lqaɛa (Lecγal 24:15). Ma xedmen lebγi n Ṛebbi, ad kemlen ad idiren i dima af lqaɛa. M’ulac aţ-ţwaneggren i dima. — Yuḥenna 5:28, 29 ; Aweḥḥi 20:11-15. 7. Ihi, lmeqṣud amezwaru n Ṛebbi yeɛnan lqaɛa ad iḍṛu. Tebγam aţ-ţesfaydim s lbaṛakat-agi i d-iţţeddun ? Ilaq-awen ihi aţ-ţkemlem aţ-ţlemdem af Yahwa w’a s-ţaγem awal. Annect-agi a wen d-yass ishel aṭas ma tḥeḍṛem i tseqquma n Inigan n Yahwa di Tzeqqa n Tgelda i kkun-iqeṛben. — Iceɛya 11:9 ; Iɛebṛaniyen 10:24, 25.
|
Teffeγ-ed di 2007 |
 |
Copyright © 2008 Watch Tower Bible and Tract Society of Pennsylvania. All rights reserved. |
|
