Qeṛbet γer Ṛebbi s tẓallit

1. Taẓallit d m’ara s-nehdeṛ i Ṛebbi s wannuz. Ilaq aţ-ţillim tezgam di tẓallit. S wakka aţ-ţḥussem tqeṛbem γuṛes, am akken tqeṛbem ar weḥbib ɛzizen fellawen. Yahwa meqqeṛ aṭas yerna d bab n tezmert, γas akken iţḥessis i tẓalliwin-nneγ. Ihi, tezgam teţẓallam Ṛebbi ? — Ihellilen 65:2 ; 1 At Tiṣalunik 5:17.

2. Taẓallit tesɛa amkan-is di lɛibada n Ṛebbi. Γef aya, ilaq a nẓall ala Ṛebbi kan, Yahwa. Mi yella af lqaɛa, Σisa yeţẓalla dima i Baba-s, mačči i ḥed nniḍen. Ilaq a nexdem am neţţa (Matta 4:10 ; 6:9). Lameɛna, akk tiẓalliwin-nneγ ilaq a tent-id-nini s yisem n Σisa. S wakka a nesbeggen belli neţqadaṛ amkan n Σisa, u nesɛa liman deg wesfel n lfidya. — Yuḥenna 14:6 ; 1 Yuḥenna 2:1, 2.

3. Di tẓallit ilaq a nmeslay i Ṛebbi s wul-nneγ. Ur ilaq ara a neţɛawad tiẓalliwin i neḥfeḍ naγ a tent-id-nγeṛ deg wedlis n tẓalliwin (Matta 6:7, 8). Nezmer a nẓall di mkul lawan, di mkul amkan ; nezmer a nqaɛed iman-nneγ akken nebγa, acu kan s lemqadṛa. Ṛebbi yezmer ad isel ula i tẓalliwin i d-neqqaṛ s tsusmi deg ul-nneγ (1 Camwil 1:12, 13). Ilha ma nḍeṛṛef iman-nneγ γef medden akken a nẓall weḥd-nneγ. — Maṛqus 1:35.

4. Af acu i tzemrem aţ-ţẓallem ? Af ayen akk yeɛnan taddukli-nwen yides (At Filibus 4:6, 7). Taẓallit i d-yeǧǧa Σisa d lemtel tesken-aγ-d belli ilaq a nẓall aɛlaǧal n yisem akk-d lebγi n Yahwa. Nezmer daγen a nessuter a γ-d-yefk amɛic-nneγ, akken aţ-ţwaɛfun dnubat-nneγ, naγ akken a γ-d-yefk lemɛawna s wacu a nqabel aγwu (Matta 6:9-13). Ur ilaq ara tiẓalliwin-nneγ ad ɛnunt iman-nneγ kan. Ilaq a nẓall siwa af tγawsiwin i d-imezgen d lebγi n Ṛebbi. — 1 Yuḥenna 5:14.

5. Tzemrem aţ-ţẓallem yal tikelt i kkun-idemmer ul-nwen aţ-ţḥemdem naγ aţ-ţcekkṛem Ṛebbi (1 Amezruy 29:10-13). Ilaq-awen aţ-ţẓallem ma tmugrem-d ugguren naγ ma yeţwajeṛṛeb liman-nwen (Ihellilen 55:22 ; 120:1). Taẓallit twulem uqbel lmakla (Matta 14:19). Yahwa inehhu-yaγ a nẓall “ di yal taswiɛt ”. — At Ifasus 6:18.

6. Neḥwaǧ a nẓall Ṛebbi la-dγa ma nexdem ddnub ameqqṛan. Di liḥalat am tigi ilaq a nessuter ṛṛeḥma d leɛfu n Yahwa. Ma neḥka ddnubat-nneγ i Ṛebbi u ma nexdem lmeǧhud-nneγ akken ur ten-neţɛawad ara, Ṛebbi “ yewjed ad isamaḥ ”. — Ihellilen 86:5 ; Lemtul 28:13.

7. Yahwa yeţţak tameẓẓuγt siwa i tẓalliwin n iḥeqqiyen. Iwakken ad isel Ṛebbi i tẓalliwin-nwen, ilaq aţ-ţxedmem akk lmeǧhud-nwen akken aţ-ţɛicem ɛlaḥsab n leqwanen-ines (Lemtul 15:29 ; 28:9) Ilaq aţ-ţillim d imannuzen m’ara tẓallem (Luqa 18:9-14). Ilaq lefɛayel-nwen ad mezgent d wayen if i teţẓallam. S wakka ihi ara tesbanem belli tesɛam liman u, s ṣṣaḥ, teţẓallam seg ul. Yahwa ad iǧaweb i tẓalliwin-nwen siwa ma txedmem ayagi. — Iɛebṛaniyen 11:6.

Copyright © 2008 Watch Tower Bible and Tract Society of Pennsylvania. All rights reserved.