Tamɛict n twacult i ɛeǧben i Ṛebbi

1. Adlis Iqedsen iqqaṛ-ed belli argaz d aqeṛṛuy n twacult-is (1 At Kurintus 11:3). Ilaq argaz ad izweǧ d yiwet n tmeṭṭut kan. Zwaǧ ilaq ad yeţwaɛqed. — 1 Timuti 3:2 ; Tit 3:1.

2. Ilaq argaz ad iḥemmel tameṭṭut-is am iman-is. Ilaq ad ilḥu yides akken yelḥa Σisa d inelmaden-is (At Ifasus 5:25, 28, 29). Ur ilaq ara a ţ-iwwet naγ ad yekkes fellas sser. Ilaq a s-yefk leqdeṛ akk-d lɛez. — At Kulus 3:19 ; 1 Buṭrus 3:7.

Ababat aḥnin d win ibedden ar twacult-is ama di cci ama di leḥwayeǧ tiṛebbaniyin.

3. Ababat ad ixdem lmeǧhud-is akken ad ibded γer twacult-is. Ilaq ad iḥelli amɛic, llebsa d tnezduγt i tmeṭṭut-is d warraw-is. Ilaq-as daγen i wubabat ad ilhu d lmeḥwiǧat tiṛebbaniyin n twacult-is (1 Timuti 5:8). D neţţa i d amezwaru ara yiɛiwnen tawacult-is akken aţ-ţelmed af Ṛebbi akk-d lebγi-s. — Asmekti 6:4-9 ; At Ifasus 6:4.

4. Tameṭṭut ilaq aţ-ţilli ţamɛiwent iṣelḥen i wergaz-is (Laṣel n ddunit 2:18). Aţ-ţɛiwen argaz-is di ţrebga d uselmed n dderya-nsen (Lemtul 1:8). Yahwa yeṭalab i tmeṭṭut aţ-ţelhi d wexxam-is s leḥmala (Lemtul 31:10, 15, 26, 27 ; Tit 2:4, 5). Ilaq-as aţ-ţesɛu leqdeṛ ameqqṛan i wergaz-is. — At Ifasus 5:22, 23, 33.

5. Ṛebbi iṭalab i warrac ad aγen awal i yimawlan-nsen (At Ifasus 6:1-3). Yeţkel af imawlan akken ad slemden wa d ṣewben dderya-nsen. Ilaq-asen i yemawlan ad sɛaddayen lweqt d warraw-nsen wa d eγṛen yidsen Adlis Iqedsen, akkenni ad skelfen af lmeḥwiǧat-nsen tiṛebbaniyin d lmeḥwiǧat-nsen n leḥsas (Asmekti 11:18, 19 ; Lemtul 22:6, 15) Werǧin imawlan ad ṛebbin arraw-nsen s lewɛaṛa naγ s leqsaḥa. — At Kulus 3:21.

Ṛebbi yeţraǧu seg imawlan ad slemden wa d ṣewben arraw-nsen.

6. Ma iweɛeṛ-asen i yimezwaǧen ad msefhamen, ilaq-asen ad qelben amek ara tebɛen lewṣayat n Wedlis Iqedsen. Adlis Iqedsen iţdemmir-aγ a nesban leḥmala d smaḥ (At Kulus 3:12-14). Awal n Ṛebbi ur iţweṣṣi yara imezwaǧen ad mfaṛaqen akken ad frun iγeblan imecṭaḥ. Lameɛna tameṭṭut aţ-ţextir, ahat, aţ-ţeǧǧ argaz-is 1) ma yugi ad iţelhi ţ-ţwacult-is, 2) ma argaz-is iţqehhiṛ-iţ almi isenṭeṛṛ ṣeḥḥa-s naγ tudert-is, naγ 3) ma bezzaf i ţ-iţxaṣam almi ur tezmir aţ-ţaɛbed Yahwa. — 1 At Kurintus 7:12, 13.

7. Ilaq imezwaǧen ad illin d unṣiḥen deg wway gar-asen. Zzna d ddnub ama γer Ṛebbi ama γer umezwaǧ nniḍen (Iɛebṛaniyen 13:4). Ala lɛalaqat tizfiyin beṛṛa n zwaǧ i d sebba i d-iţţak Adlis Iqedsen akken ad ibru ḥed ; akkagi kan i geǧǧuz ad iɛiwed zwaǧ (Matta 19:6-9 ; At Ṛuma 7:2, 3). Yahwa yekṛeh m’ara berrun medden wa d ţɛawaden zwaǧ af sebbat i xulfen tin i d-iţţak Adlis Iqedsen. — Malaxi 2:14-16.

Copyright © 2008 Watch Tower Bible and Tract Society of Pennsylvania. All rights reserved.