 |
Beliefs | Future | Medical | Topics | Contact Us | Publications | Languages |
| Acu i d-iṭalab Ṛebbi seg-nneγ ? | Timeγri 9  |
Iqeddacen n Ṛebbi ilaq ad ilin ṣfan |
|
 |
Ayγeṛ i γ-ilaq a nili neṣfa di mkul timsalin ? (1) |
|
D acu i d ṣṣfa taṛebbanit ? (2) ṣṣfa n tikli ? (3) ṣṣfa n lɛaqliya ? (4) ṣṣfa n lǧeţţa ? (5) |
|
Anwi imeslayen icemten i glaq an-nekkes seg imawen-nneγ ? (6) |
1. Yahwa Ṛebbi yeṣfa yerna d imqeddes. Yebγa ad ilin iqeddacen-is ṣfan di temsalin n tṛebbanit, n tikli, n lɛaqliya akk-d lǧeţţa (1 Buṭrus 1:16). Ilaq-aγ a nexdem lmeǧhudat n ṣṣaḥ akken a neqqim neṣfa zdat Ṛebbi. Neţɛici di ddunit iɛefnen. Yerna ilaq a nennaγ d iman-nneγ akken ur neţmal a nexdem ayen n diri. Lameɛna, ur ilaq ara a nefcel. 
2. Ṣṣfa taṛebbanit : Ma nebγa a neqdec Yahwa, ur nezmir ara a nkemmel a netbaɛ aselmed d lɛaddat n ddin l-lekdeb. Ilaq-aγ a neffeγ si ddin l-lekdeb yerna ur s-neţţak ara maḍi afus (2 At Kurintus 6:14-18 ; Aweḥḥi 18:4). Mi nelmed tideţ af Ṛebbi, ilaq a nḥader iman-nneγ akken ur γ-ţkellixen ara wid iselmaden lekdubat. — 2 Yuḥenna 10, 11. 3. Ṣṣfa n tikli : Yahwa yebγa wid i t-iɛabden ad sɛun dima tikli n imasiḥiyen n tideţ (1 Buṭrus 2:12). Yeţwali ayen akk i nxeddem, γas ma s tuffra (Iɛebṛaniyen 4:13). Ilaq-aγ a nbaɛed af tixnanasin tizfiyin d lexdayem nniḍen iɛefnen n ddunit-agi. — 1 At Kurintus 6:9-11. 4. Ṣṣfa n lɛeqliya : Ma neţţaččaṛ lxaṭeṛ-nneγ s ixemmimen yeṣfan, tikli-nneγ aţ-ţeṣfu ula d neţţat (At Filibus 4:8). Lameɛna, ma nezga neţṛeṣṣi laɛqel-nneγ af ayen iɛefnen, a nexdem lefɛayel n diri (Matta 15:18-20). Ilaq-aγ a nexḍu i zzhu i gzemren ad isefsed lɛeqliya-nneγ. Nezmer a neččaṛ lmux-nneγ d ixemmimen iṣfan s leqṛaya n Wawal n Ṛebbi. 5. Tezdeg n lǧeţţa : Imi d imesbedden n Ṛebbi illan, ilaq imasiḥiyen ad illin zeddigit ama di lǧeţţa-nsen ama di llebsa-nsen. Ilaq a nessired ifassen-nneγ m’ara d-neffeγ si bitelma ; daγen ilaq a ten-ssired uqbel a nečč naγ m’ara nmassi lmakla. M’ur tesɛim ara γuṛwen iqudas isufuγen aman imesxen, erret akal af tuffγa-nwen (Asmekti 23:12, 13). M’ara neqqim zeddigit, annect-agi yeţţawwi-d ṣeḥḥa yelhan. Axxam n umasiḥi ilaq ad yili iqɛed u zeddig ama zdaxel ama di beṛṛa. Ilaq ad iban uxxam-agi d lemtel ilhan di lḥuma. 6. Tameslayt iṣfan : Ilaq iqeddacen n Ṛebbi ad qqaṛen dima tideţ. Ikeddaben ur keččmen ara Tagelda n Ṛebbi (At Ifasus 4:25 ; Aweḥḥi 21:8). Imasiḥiyen ur qqaṛen ara yir awal. Ur ţakken ara tameẓẓuγt i wayen icemten naγ i tiqecmaɛ iqebḥen. Imi sɛan lehduṛ iṣfan, imasiḥiyen ţbanen-d mxalafen ama di lxedma, ama di lakul naγ di lḥuma. — At Ifasus 4:29, 31 ; 5:3.
|
Teffeγ-ed di 2007 |
 |
Copyright © 2008 Watch Tower Bible and Tract Society of Pennsylvania. All rights reserved. |
|
