Lefɛayel i gekṛeh Ṛebbi

1. Iqeddacen n Yahwa ḥemlen ayen yelhan. Lameɛna, ilaq-asen daγen ad lemden ad keṛhen ayen n diri (Ihellilen 97:10). Iţţusemma ad ṭṭixṛen af kra lefɛayel yekṛeh Ṛebbi. Anti kra degsent ?

2. Aserref : lɛalaqat tizfiyin uqbel zwaǧ, zzna, lɛalaqat tizfiyin akk-d lḥiwan, d ḥed i γ-iqeṛben mliḥ di twacult, alewweṭ wigi akk d ddnubat imeqqṛanen γer Ṛebbi (At Lewwi 18:6 ; At Ṛuma 1:26, 27 ; 1 At Kurintus 6:9, 10). Ma yella argaz ţ-ţmeṭṭut ţɛicin lwaḥid mbla ma zewǧen, ilaq-asen ad mfaṛaqen naγ ad ɛaqden. — Iɛebṛaniyen 13:4.

Ṛebbi yekṛeh ssikṛan, tukeṛḍa, leqmeṛ d leqheṛ.

3. Lekdeb, leqmeṛ, tukeṛḍa : Yahwa Ṛebbi ur izmir ad iskiddeb (Tit 1:2). Win yebγan a s-yaɛǧeb i Ṛebbi ilaq-as ad ixḍu i lekdeb (Lemtul 6:16-19 ; At Kulus 3:9, 10). Mkul ṣṣenf n leqmeṛ iččur d ṭṭmeɛ. Γef aya imasiḥiyen ur ţikkin ara di leqmeṛ, am “ la loterie ”, tazzla n iɛuwdiwen, akk-d ” loto ” (At Ifasus 5:3-5). Imasiḥiyen ur ţakren ara. Ur ţaγen ayen yeţwakren, ur ţţaddamen leḥwayeǧ mbla cweṛ. — Tuffγa 20:15 ; At Ifasus 4:28.

4. Zɛaf d leqheṛ : Zɛaf ur neţwaḥkem ara yezmer ad yawi ar leqheṛ (Laṣel n ddunit 4:5-8). Lɛebd iqesḥen ur izmir ad yilli d aḥbib n Ṛebbi (Ihellilen 11:5 ; Lemtul 22:24, 25). Diri win i geţţarran ţţaṛ naγ i geţţarran cceṛ i wid i s-ixedmen cceṛ. — Lemtul 24:29 ; At Ṛuma 12:17-21.

5. Ikaruren, lesḥur : Llan wid inedhen i yiṛuḥaniyen akken ad ɛeṛḍen ad seḥlun imuḍan. Wiyaḍ ţseḥḥiren iɛdawen-nsen akken ad aḍnen naγ ad emten maḍi. Tazmert illan deffir lefɛayel-agi meṛṛa d Cciṭan. Ihi, ur ilaq ara i yimasiḥiyen ad skecmen iman-nsen ulamma di yiwet deg-sent (Asmekti 18:9-13). Ma neqqim neqṛeb γer Yahwa, d lemḥarba ifazen af iḥeckulen i skarayen wiyaḍ fellanneγ. — Lemtul 18:10.

6. Ssikṛan : Tissit n kra n ccṛab, lbira naγ ayen nniḍen ur telli degs lemḍeṛṛa (Ihellilen 104:15 ; 1 Timuti 5:23). Lameɛna astuqet n tissit d ssikṛan diri-ten γer Ṛebbi (1 At Kurintus 5:11-13 ; 1 Timuti 3:8). Win i tessen aṭas izmer ad isexṣeṛ ṣeḥḥa-s wa d irwi axxam-is. Ssikṛan tezmer daγen a kkun-ţawi s lemγawla ar eγwu nniḍen. — Lemtul 23:20, 21, 29-35.

7. Wid inummen xedmen leḥwayeǧ i yeqqar Ṛebbi belli diri-tent “ ur weṛṛeten ara Tagelda n Ṛebbi ” (At Galasya 5:19-21). Ma tḥemlem Ṛebbi s tideţ u tebγam a s-tɛeǧbem, tzemrem aţ-ţeǧǧem lexdayem-agi. (1 Yuḥenna 5:3). Lemdet aţ-ţkeṛhem ayen i d-iqqaṛ Ṛebbi diri-t (At Ṛuma 12:9). Σacṛet wid isɛan tanummi i s-iɛeǧben i Ṛebbi (Lemtul 13:20). Imasiḥiyen icuṛfen zemren a kkun-ɛiwnen (Yeɛqub 5:14). Sennig wakka, ţeklet af lemɛawna a kkun-d-yefk Ṛebbi s tẓallit. — At Filibus 4:6, 7, 13.

Copyright © 2008 Watch Tower Bible and Tract Society of Pennsylvania. All rights reserved.