Leɛqidat d lɛaddat ur naɛǧib ara i Ṛebbi

Ṛebbi ur yella ara d talut.

1. Leɛqidat d lɛaddat ur diri-tent ara meṛṛa. Lameɛna Ṛebbi ur tent-iqebbel ara ma kant-ed si ddin l-lekdeb naγ ma xulfent aselmed n Wedlis Iqedsen. — Matta 15:6.

2. Talut : Ma Yahwa d talut - Ṛebbi γef tlata ? Xaṭi ! Yahwa, Baba-tneγ, d neţţa kan i d “ Ṛebbi aḥeqqani ” (Yuḥenna 17:3 ; Marqus 12:29). Σisa d Mmis amenzu u yella ddaw lḥekma n Ṛebbi (1 At Kurintus 11:3). Baba-s yugar Mmis (Yuḥenna 14:28). Ṛṛuḥ iqedsen mačči d ḥed ; ţ-ţazmert taceγlant n Ṛebbi. — Laṣel n ddunit 1:2 ; Lecγal 2:18.

“ Noël ”, “ Pâques ” kkan-d si ddyanat l-lekdeb n zik.

Ulac sebba akken a naɛbed naγ a nagwad lmeytin.

3.“ Noël ”, “ Pâques ” : Σisa ur d-ilul ara deg wass 25 n dujambeṛ. Ilul-ed leǧwahi n wass amenzu n tubeṛ, di lmaḥel n useggwas anda imeksawen mazal ţţaǧǧan tiqeḍɛiwin-nsen beṛṛa, deg iḍ (Luqa 2:8-12). Werǧin i sen-ifka Σisa lameṛ i yimasiḥiyen ad ɛaggden ass n tlalit-is. Lameɛna iweṣṣa inelmaden-is ad smektayen, naγ ad cfun, af lmut-is (Luqa 22:19, 20). “ Noël ” d lɛaddat i t-yeɛnan kkan-d si ddyanat l-lekdeb n zik. Kif kif i lɛaddat n “ Pâques ”, am usexdem n tmellalin d yewtal. Imasiḥiyen imezwura ur ɛaggden ara leɛyudat n “ Noël ” akk-d “ Pâques ” ; imasiḥiyen n ṣṣaḥ, ass-a, ur ten-ţɛaggiden ara ula d nutni.

4. Imula n tlalit : Adlis Iqedsen ibder-ed ala sin imula n tlalit ; d wid ur nqeddec ara Yahwa i ten-ixedmen (Laṣel n ddunit 40:20-22 ; Marqus 6:21, 22, 24-27). Imasiḥiyen imezwura ur ţɛaggiden ara imula n tlalit. Lɛadda-yagi n uɛegged n imula n tlalit tekka-d si ddyanat l-lekdeb n zik. Imasiḥiyen n ṣṣaḥ ţemhennin u ţnecraḥen lwaḥid di teswiɛin nniḍen deg useggwas.

5. Tugdi n lmeytin : Lmeytin ur zmiren ad xedmen acemma yerna ur ţḥulfun i wacemma. Ur nezmir a ten-ɛiwen, nutni ur zmiren ara a γ-ḍuṛṛen (Ihellilen 146:4 ; Amusnaw 9:5, 10). Taṛwiḥt teţmeţţat ; ur ţkemmil ara aţ-ţiddir mbɛad lmut (Ḥiziqyel 18:4). Tikwal lmalayekkat timcumin, yeţţusemman leǧnun, ţarrant-ed iman-nsent d leṛwaḥ n wid yemmuten. Akk lɛaddat i γ-iţţawin a nagwad naγ a neqdec lmeytin d lekdeb. — Iceɛya 8:19.

6. Amidag : Ur yemmut ara Σisa af umidag. Yemmut af ujgu, naγ tigejdit. Aṭas n wid isṭerǧmen awal n tyunanit i d-ifkan “ amidag ” fkan-as lmeɛna-yagi : yiwen kan n wujgu n wesγaṛ. Azamul n umidag yekka - d si ddyanat l-lekdeb n zik. lmasiḥiyen imezwura ur sexdamen, ur ɛabden amidag. lhi, tγillem belli yelha a nsexdem amidag di lɛibada n Ṛebbi ? — Asmekti 7:26 ; 1 At Kurintus 10:14.

7. Ahat yewɛeṛ mliḥ ad yeǧǧ ḥed kra n leɛqidat d lɛaddat-agi. Izmer lḥal iɛeggalen n twacult-nwen akk-d imdukkal-nwen ad ɛerḍen a kkun-awwin aţ-ţeqqimmem di leɛqidat-nwen. Lameɛna ma neɛǧeb i Ṛebbi dayen isɛan azal akteṛ wala ma neɛǧeb i yemdanen. — Lemtul 29:25 ; Matta 10:36, 37.

Copyright © 2011 Watch Tower Bible and Tract Society of Pennsylvania. All rights reserved.