Amek i tzemrem aţ-ţafem ddin n ṣṣaḥ ?

1. Σisa yesbed yiwen n ddin amasiḥi n ṣṣaḥ. Ihi ass-a ilaq aţ-ţilli yiwet kan n tuddsa, naγ agraw, n iqeddacen n ṣṣaḥ n Yahwa Ṛebbi (Yuḥenna 4:23, 24 ; At Ifasus 4:4, 5). Adlis Iqedsen iselmed belli llan drus n lγaci deg webrid uḍyiq iţţawin γer tudert. — Matta 7:13, 14.

2. Adlis Iqedsen icar-ed belli mbeɛd lmut n imceggɛen, aselmed n lekdeb d lefɛayel ixulfen tikli tamasiḥit ad kecmen kra kra zdaxel n wegraw amasiḥi. Ad ekren imdanen ara ijebden lmumnin akken a ten-ţebɛen nutni wala Lmasiḥ (Matta 7:15, 21-23 ; Lecγal 20:29, 30). Af ayagi neţwali xilla n ddyanat imxalafen i d-iqqaṛen d imasiḥiyen i llan. Amek i nezmer a neɛqel imasiḥiyen n ṣṣaḥ ?

3. Lbiyana yesɛan azal ameqqṛan s wacu ara neɛqel imasiḥiyen n ṣṣaḥ d leḥmala n tideţ i sɛan deg wway gar-asen (Yuḥenna 13:34, 35). Ur lemden ara ad γillen belli ccetla-nsen akk-d ṣṣifa-nsen tif tiyaḍ. Ur ḥefḍen ara diγen ad keṛhen imdanen n tmura nniḍen (Lecγal 10:34, 35). Γef aya, ur ţţikin ara di lfetnat. Imasiḥiyen n ṣṣaḥ ţemyeḥsaben am atmaten ţ-ţismatin. — 1 Yuḥenna 4:20, 21.

Imasiḥiyen n ṣṣaḥ ţemyeḥmalen, ţqadaṛen Adlis Iqedsen, yerna ţberriḥen Tagelda n Ṛebbi.

4. Lbiyana nniḍen n ddin n ṣṣaḥ ţ-ţagi : wid i ţ-itabaɛen sɛan leqdeṛ ameqqṛan i Wedlis Iqedsen. Qeblen-t d Awal n Ṛebbi yerna ţamnen s wayen i d-iqqaṛ (Yuḥenna 17:17 ; 2 Timuti 3:16, 17). Γur-sen, Awal n Ṛebbi isɛa azal akteṛ n ixemmimen naγ lɛaddat n yemdanen (Matta 15:1-3, 7-9). Xeddmen lmeǧhud-nsen akken ad tebɛen di tudert-nsen Adlis Iqedsen yal ass. Ihi, ur ţberriḥen ara lḥaǧa wumbɛed ad xedmen akken nniḍen. — Tit 1:15, 16.

5. Ddin n ṣṣaḥ ilzem daγen ad isɛez isem n Ṛebbi (Matta 6:9). Σisa yebeggen-ed i lγaci isem n Ṛebbi, Yahwa. Imasiḥiyen n ṣṣaḥ ilaq ad xedmen am neţţa (Yuḥenna 17:6, 26 ; At Ṛuma 10:13, 14). Di lǧiha anda tzedγem, anwi-ten lɛibad i ghedṛen i wiyaḍ af isem n Ṛebbi ?

6. Imasiḥiyen n ṣṣaḥ ilaq ad berḥen Tagelda n Ṛebbi. D ayen i gexdem Σisa. Imeslay-ed dima af Tgelda (Luqa 8:1). Yumeṛ i yinelmaden-is ad berḥen lexbaṛ-nni yakan af lqaɛa meṛṛa (Matta 24:14 ; 28:19, 20). Imasiḥiyen n ṣṣaḥ umnen belli siwa Tagelda n Ṛebbi ara d-yawwin talwit d ṭṭmana n ṣṣaḥ. — Ihellilen 146:3-5.

7. Inelmaden n Σisa ur sen-ilaq ara ad illin seg wat n ddunit-agi tamcumt (Yuḥenna 17:16). Ur garren ara iman-nsen di lecγal n tsertit yerna ur ţeddun ara d wid iskarayen tiɛdawin ger tirebbuɛa n ddunit-agi. Xeḍḍun af tikli yeţḍuṛṛun, d lefɛayel akk-d tikliwin i wulfen di ddunit (Yeɛqub 1:27 ; 4:4). Di lǧiha anda tzedγem, tesnem yiwen wegraw n ddin i gesɛan lbiyana n Imasiḥiyen n ṣṣaḥ ?

Copyright © 2008 Watch Tower Bible and Tract Society of Pennsylvania. All rights reserved.