 |
Beliefs | Future | Medical | Topics | Contact Us | Publications | Languages |
| Acu i d-iṭalab Ṛebbi seg-nneγ ? | Timeγri 14  |
Amek suddusen iman-nsen Inigan n Yahwa |
|
 |
Melmi yebda umezruy atrar n Inigan n Yahwa ? (1) |
|
Amek i ḍeṛṛun inejmuɛen n Inigan n Yahwa ? (2) |
|
Amek iţqabalen ameṣṛuf n tuddsa-nsen ? (3) |
|
Anwa iselḥawen lecγal di yal agraw ? (4) |
|
Acu-ten iswiren imeqqṛanen iţillin yal aseggwas ? (5) |
|
Dacu yeţwaxedmen deg asirra n tuddsa, akk-d iγsar nniḍen n Inigan n Yahwa ? (6) |
1. Amezruy atrar n Inigan n Yahwa ibda deg iseggwasen 1870. Di tazwara, ţwasemman “ Inelmaden n Wedlis Iqedsen ”. Lameɛna, deg aseggwas 1931 ṭfen isem yellan deg Wedlis Iqedsen : Inigan n Yahwa (Iceɛya 43:10). Di tazwara tuddsa meẓẓiyet, lameɛna tewweḍ ar imelyan n Inigan icuγlen deg uberreḥ di kteṛ n 230 n tmura. 
2. Amur ameqqṛan n igrawen n Inigan n Yahwa ţnejmaɛen tlata n tikkal di smana. Teţwaɛaṛḍem aţ-ţḥeḍṛem i kra degsen (Iɛebṛaniyen 10:24, 25). Aselmed iţţunefken deg inejmuɛen-agi, yers af Wedlis Iqedsen. Yal anejmuɛ ibeddu u yeţfakka s tẓallit. Di qṛib akk inejmuɛen, imeḥḍaṛ ccennun seg ul “ ccnawi iṛebbaniyen ” (At Ifasus 5:18, 19). Anekcum baṭel, ulac asuter n idrimen. — Matta 10:8. 3. S umata, igrawen ţnejmaɛen di tzeqqa n Tgelda. Tizeγwa-yagi d Inigan n Yahwa iwaziwen i tent-ibennun. Ur ţwalim ara deg-sent ţeswiṛat, imidagen naγ tiγawsiwin am tigi. Ayen iţṣaṛifen af annect-a iţwaxelles s tukciwin iţţaken s lebγi-nsen. Wid ibγan ad seddqen kra, ţţillint ţsenduqin i tukciwin. — 2 At Kurintus 9:7.
4. Di yal agraw, llan ṭṭeman, naγ ineqqaden. D nutni yetkelfen s uselmed deg wegraw (1 Timuti 3:1-7 ; 5:17). Imɛiwnen iγelfanen ţakken-asen afus (1 Timuti 3:8-10, 12, 13). Irgazen-agi ur llan ara nnig wiyaḍ deg wegraw (2 At Kurintus 1:24). Ur sen-ţunefken ara kra n izwilen (Matta 23:8-10). Llebsa-nsen ur txulef ara tin n wiyaḍ. Ur ţwaxelṣen ara daγen af lxedma-nsen. Ṭṭeman-agi ţḥadaren s lebγi-nsen lmeḥwiǧat n wegraw di temsalin tiṛebbaniyin. Di teswiɛin n cedda, nehhun u ţheddinen ulawen n at wegraw. — Yeɛqub 5:14-16 ; 1 Buṭrus 5:2, 3. 5. Yal aseggwas, Inigan n Yahwa xedmen daγen iswiren imeqqṛanen. Di lmaḥel-agi, ţemlilin xilla n yegrawen akken ad slen ahil n uselmed yersen af Wedlis Iqedsen. Aγḍas n inelmaden ijdiden izga isɛa amkan deg wahil n yeswiren. — Matta 3:13-17 ; 28:19, 20. 6. Asirra n tuddsa yella di New-York. Dinna i gella Aseqqamu Imwelleh, ţ-ţarbeɛt n ṭṭeman icurfen iţɛassan af wegraw n ddunit meṛṛa. D neţţa i yeselwayen agraw amasiḥi di ddunit meṛṛa. Llan daγen akteṛ n 100 n yiγsar di ddunit meṛṛa. Deg imukan-agi, d iwaziwen i d-isuffuγen u i d-iţceyyiɛen tizmamin yeɛnan Adlis Iqedsen. Dinna i geţunefk daγen awellah i suddusen lecγal n uberreḥ. Ayγeṛ ur ţţaram ara di lbal-nwen aţ-ţṛuḥem aţ-ţeẓṛem asirra n Inigan n Yahwa i kkun-iqeṛben ?
|
|||
Teffeγ-ed di 2007 |
 |
Copyright © 2008 Watch Tower Bible and Tract Society of Pennsylvania. All rights reserved. |
|
