1. Ar tura, Adlis Iqedsen iselmed-awen xilla n tγawsiwin ilhan. Ilaq tamusni-yagi a kkun-tawi aţ-ţesbanem tugna tamasiḥit (At Ifasus 4:22-24). Tamusni-yagi telzem akken aţ-ţrebḥem tudert n dayem (Yuḥenna 17:3). Lameɛna, ula d wiyaḍ ḥwaǧen ad slen i lexbaṛ n lxiṛ akken aţ-ţwaselken. Ilaq i yimasiḥiyen n ṣṣaḥ meṛṛa ad cehden i wiyaḍ af tideţ. Acehhed-agi d lameṛ n Ṛebbi. — At Ṛuma 10:10 ; 1 At Kurintus 9:16 ; 1 Timuti 4:16.
2. Di tazwara, tzemrem aţ-ţheḍṛem i yiqṛiben-nwen af tγawsiwin yelhan i ţeţlemmidem. Init ayagi i twacult-nwen, i leḥbab-nwen, d wid i teţɛacaṛem di lakul naγ di lxedma. Sɛut lehhu d ṣṣbeṛ m’ara sen-theḍṛem (2 Timuti 2:24, 25). Cfut belli medden ţarran ddehn-nsen akteṛ γer tikli n ḥed wala i lehḍuṛ-is. Tikli-nwen igerzen aţ-ţejbed wiyaḍ ad ḥessen i lexbaṛ i sen-t-ṣawḍem. — Matta 5:16 ; 1 Buṭrus 3:1, 2, 16.
3. Ad yass wass, aţ-ţcuṛfem akken aţ-ţebdum aberreḥ d wegraw n Inigan n Yahwa i kkun-iqeṛben. D amecwar isɛan azal deg unerni-nwen di tmusni (Matta 24:14). A lfeṛḥ-nwen ma teṣawḍem aţ-ţɛiwnem ḥed ad yuγal d aqeddac n Yahwa wa d irbeḥ tudert n dayem ! — 1 At Tiṣalunik 2:19, 20. |
