Leqṛaṛ-nwen aţ-ţqedcem Ṛebbi

1. Akken aţ-ţuγalem d aḥbib n Ṛebbi, ilaq : aţ-ţesɛum tamusni iṣeḥḥan af tideţ illan deg Wedlis Iqedsen (1 Timuti 2:3, 4), aţ-ţesɛum liman deg wayen i tlemdem (Iɛebṛaniyen 11:6), aţ-ţendemmem af ddnubat-nwen (Lecγal 17:30, 31), yerna aţ-ţdewrem iman-nwen af tikli i tesɛam zik (Lecγal 3:19). Umbɛed, leḥmala-nwen i Ṛebbi a kkun-ţawwi a s-ţbuddem iman-nwen. Lmeɛna n wannect-agi : a s-tinnim di yiwet n tẓallit, ara txedmem s iman-nwen u di sser, belli tefkim-as tudert-nwen akken aţ-ţxedmem lebγi-s. — Matta 16:24 ; 22:37.

2. M’ara tbuddem iman-nwen i Ṛebbi, a kkun-ilaq aţ-ţwaγeḍsem (Matta 28:19, 20). Aγḍas isbanay zdat medden meṛṛa belli tbuddem iman-nwen i Yahwa. Ihi, aγḍas yeɛna ala wid i gewḍen di laɛmer iwakken ad zemren ad ṭfen leqṛaṛ ad qedcen Ṛebbi. M’ara yeţwaγḍes ḥed, ilaq lǧeţţa-s irkul aţ-ţekcem ddaw waman kra n lweqt*. — Marqus 1:9, 10 ; Lecγal 8:36.

3. M’ara tbuddem iman-nwen, Yahwa ad iţṛaǧu degwen aţ-ţɛicem ɛlaḥsab n lemɛahda-nwen (Ihellilen 50:14 ; Amusnaw 5:4, 5). Iblis ad yeɛṛeḍ a kkun-iseḥbes di leqdic-nwen i Yahwa (1 Buṭrus 5:8). Lameɛna qeṛbet γer Ṛebbi s tẓallit (At Filibus 4:6, 7). Eγṛet Awal-is yal ass (Ihellilen 1:1-3). Zgut tedduklem d wegraw (Iɛebṛaniyen 13:17). Ma txedmem ayagi meṛṛa, aţ-ţesɛum lǧehd akken aţ-ţeqqimem d unṣiḥen γer Ṛebbi. S wakka aţ-ţzemrem aţ-ţxedmem i dima ayen i d-iṭalab Ṛebbi seg-wen !

Teţnadiḍ af akteṛ n lexbaṛat naγ amek ara tesfaydiḍ baṭel s tγuṛi n Wedlis Iqedsen deg wexxam-ik ? Aru i Yinagan n Yahwa γer yiwet gar tansiwin iwulmen. Tansiwin