Худайның ниме киректепчеткенін хайди піліп аларға

1. Библия — Худай пирген аарлығ сыйых. Аны хынчатхан пабаның палаларына ысхан письмонаң тиңнестірерге чарир. Библияда Худайдаңар сын чоох чоохталча: кем ол паза хайдағ аның нормалары. Анда чарыда чоохталча, хайди сидіктерні тобырарға паза хайди сын часканы табарға. Хайди Худайның кӧңніне кірерге аннаң на піліп аларға чарир (Псалом 1:1—3; Исаия 48:17, 18).

2. Библияны пістің эраның алнында 1513 чылдаң сығара 1600 чыл пастыра 40-ча кізі пасхан. Библияда 66 кічиҷек книгаҷах. Пасчатханнарға Худай позы сағыс кирген. Олар постарының нимес, че аның сағыстарын пасханнар. Аннаңар Библияның Авторы кізі нимес, че тигірде чуртапчатхан Худай (2 Тимофею 3:16, 17; 2 Петра 1:20, 21).

3. Худай Библияны орта хобыра пазарынаңар паза аны арачылирынаңар сағыссыраан. Библияның саны уғаа кӧп, аннаң пір дее книганың саны тиңнеспинче. Синің Библияны ӱгренчеткеніңе прайзы чӧпсербестер, че син позыңа харығ поларға пірдеезіне пирбе. Тоғырланысха кӧрбин, Худайдаңар алған піліс, аның ирігін толдырғаны — синің мӧге чуртазыңның тӧстии полар (Матфея 5:10—12; Иоанна 17:3).

Copyright © 2007 Watch Tower Bible and Tract Society of Pennsylvania. All rights reserved.