 |
Beliefs | Future | Medical | Topics | Contact Us | Publications | Languages |
| Ниме Худай пістең киректепче? | 2 урок  |
Кем полҷаң Худай? |
|
 |
Кем ол сын Худай паза хайди аның ады? (1, 2) |
|
Хайдағ аның телозы? (3) |
|
Хайдағ аның ӧӧн оңдайлары? (4) |
|
Кирек пе, ағаа пазырчатса, образтарнаң паза символларнаң тузаланарға? (5) |
|
Хайдағ ікі оңдайнаң Худайдаңар піліп аларға чарир? (6) |
1. Кізілер кӧп нимее пазырчалар. Че Библияда пір ле СЫН Худай тіп чоохталча. Ол прай тигірдегі паза чирдегі нимелерні чайап салған. Ол піске чуртас пирген ӱчӱн, ағаа ла Чалғызанға пазырарға кирек (1 Коринфянам 8:5, 6; Откровение 4:11).
2. Худайның титуллары кӧп, че пір ле ат. Худайның ады — ИЕГОВА. Кӧбізі тілбестіглерде Худайның адын чох идібізіп, Хан-Пиг паза Худай тіп титулларға алыстырыбысханнар. Библияның оригиналында «Иегова» тіп ат 7000 теере тоғасча (Исход 15:3; Псалом 82:19, Г. П. Павскийнің тілбестеенінде). 3. Иегованың телозы пар, че пістинең пасха. «Худай Хут полча», — тіп Библияда пазылча (Иоанна 4:24). Хут — пістинең хай-хай пӧзік чуртас оңдайы. Худайны пір дее кізі хаҷан даа кӧрбеен. Иегова тигірде чуртапча, че прай нимені кӧрче (Псалом 10:4,5; Иоанна 1:18). Че нимедір ол Ызых хут? Ол Худайға тӧӧй личность нимес. Ол Худайның тӧреміл тоғынчатхан кӱзі (Псалом 103:30). 4. Библияда Иегованың личнозы азылча. Кӧзіділче аның ӧӧн оңдайлары: хынызы, сыны, хыйға кӱлӱгі паза кӱзі (Второзаконие 32:4; Иов 12:13; Исаия 40:26; 1 Иоанна 4:8). Библияда Худай нымзах чӱректіг, чахсы, пыроны тастирға тимде, паарсах паза тыстанҷых тіп чоохталча. Піске, сӧс истеечі палалар чіли, ағаа тӧӧйлезерге кӱстенерге кирек (Эфесянам 5:1, 2).
5. Кирек пе, Худайға пазырчатса, образтарны, сомнарны, символларны улуғлирға паза оларға пазырарға? Чох! (Исход 20:4, 5). Иегова позына ла пазырарға кирек тіпче. Ол пір дее кізінең алай пір дее нименең позының сабланызынаң ӱлеспес. Образтарның піске полысчаң кӱстері чоғыл (Псалом 113:12—16; Исаия 42:8). 6. Хайди чахсы иде піліп аларға чарир Худайны? Пір оңдай — аның чайап салған нимелерін ситкіп кӧріп паза ниме піске олар искірчеткенінеңер чахсы иде сағын кӧргені. Худайның чайап салған нимелері аның улуғ кӱзін паза илбек сағызын кӧзітчелер. Прай аның чайап салған нимелерінде аның хынызы кӧрінче (Псалом 18:2—7; Римлянам 1:20). Iкінҷі Худайдаңар піліс алар оңдай — Библиянаңар піліс алғаны. Аның страницаларында ол хайдағ Худай полчатханын хай-хай артых чоохтапча. Анда ниме идерге сағынчатханын паза ноо ниме пістең сағыпчатханын искірче (Амос 3:7; 2 Тимофею 3:16, 17). |
|
Published in 2005 |
 |
Copyright © 2007 Watch Tower Bible and Tract Society of Pennsylvania. All rights reserved. |
|
