Кем полҷаң Иисус Христос?

1. Чирзер килер алнында Иисус тигірде чуртаан паза духовнай личность полған. Иң пастағызын Худай Иисусты чайаан, аннаңар ол Худайның «тун» Оолғы тіп адалча (Колссянам 1:15; Откровение 3:14). Иисус пір ле Оол, хайзын Худай позы чайап салған. Кізі полар алнында Иисусты Иегова чирдегі паза тигірдегі нимелерні чайирға «ус полысчы» идіп тузаланған (Притчи 8:22—31, «Современный перевод» [СоП]; Колоссянам 1:16, 17). Худай ідӧк аны позының ӧӧн представительі идіп тузаланған. Аннаңар Иисус «Сӧс» тіп адалған (Иоанна 1:1—3; Откровение 19:13).

2. Худай, Оолғының чуртазын Марияның істіне салыбызып, чирзер ызыбысхан. Аннаңар Иисустың пабазы кізі полбаан. Аның сылтаанда ол чазыхты паза толдыра нимес киректі ӱлӱске албаан. Худай Иисусты: 1) кізілерні Худайдаңар орта ӱгретсін (Иоанна 18:37), 2) чахсы арығ тудынып, піске позына тӧӧйлезерге кӧзідім артыссын (1 Петра 2:21), 3) позының чуртазын тайыға пиріп, чонны чазыхтаң паза ӧлімнең осхырзын тіп ысхан. Ноға анзы кирек полған? (Матфея 20:28).

3. Худай сӧзін испин, пастағы кізі, Адам, Библияда чазых тіп адалған нимені ит салған. Аннаңар Худай Адамны ӧлімге чарғылабысхан (Бытие 3:17—19). Ол паза Худайның нормазына киліспинібіскен, аннаңар ол толдыра нимес пол парған. Позының чазығын ол прай палаларына «чухтыр»салған. Аннаңар піс ідӧк ағырчабыс, киріпчебіс паза ӱрепчебіс. Тиксі чонны осхырарға хайдағ оңдай пар полған? (Римлянам 3:23; 5:12).

4. Иисус Адамох осхас, толдыра кізі полған. Че Адамның хыринда Иисус хаҷан даа, иң хатығ сыныхтағда даа, Худайға киртістіг полған. Аннаңар ол позының, толдыра чуртазын тоолаға пиріп, Адамның чазығы ӱчӱн тӧлеп полған. Анзы Библияда «толағ» тіп адалча. Ол оңдайнаң Адамның тӧліне ӧлімге чарғыластаң позып алар оңдай пар пол парған. Прай Иисусха киртінчеткеннернің чазыхтары тастал парарлар паза ол кізілерге мӧге чуртас алар оңдай пар (1 Тимофею 2:5, 6; Иоанна 3:16; Римлянам 5:18, 19).

Иисустың нымысчыланызы аның ӱгредиинде, чапсыстығ нимелер иткенінде паза пістің ӱчӱн чуртазын пиргенінде полча.

5. Чирде чуртаанда, Иисус астааннарны азыраан, ағырығларны имнеен паза хазыр чилні тохтаатхан. Ол ӧліглерні дее тіргіскен. Ноға иткен ол андағ хайхастығ нимелерні? 1) Ол иреленчеткеннерге айаан паза оларға полызарға хынған. 2) Аның хайхастығ идістері аның Худай Оолғы полчатханын кӧзіткеннер. 3) Олар, ол чир ӱстӱнде Хан полыбысса, Худай сӧзін искен чонға хайдағ ниме идерін кӧзіткеннер (Матфея 14:14; Марка 2:10—12; Иоанна 5:28, 29).

6. Иисус ӧлген, че Худай аны хут омалығ тіргізібіскен соонда, ол тигірзер нандыра парыбысхан (1 Петра 3:18) Соонаң Худай аны Ханға турғыс салған. Ӱр ниместең Иисус чир ӱстӱнең прай чабалны паза ирееленісті чох идібізер (Псалом 36:9—11; Притчи 2:21, 22).

Copyright © 2007 Watch Tower Bible and Tract Society of Pennsylvania. All rights reserved.