Кем полчаң Дьявол?

1. «Дьявол» сӧснең таныхталча, кем пасхазынаңар чабал чойланча. «Сайтан» — «ыырҷыны» алай «тоғырласчыны» таныхтапча. Худайның ӧӧн ыырҷызы іди адалған. Пастап ол Худайнаң хада чуртаан паза толдыра ангел полған. Че соонаң ол позынаңар кӧп сағын сыххан паза Худайға ла пирілҷең пазырысты алып аларға кӱстенібіскен (Матфея 4:8—10).

2. Ол ангел, Сайтан, Еванаң чылан пастыра чоохтасхан. Ағаа чойланыбызып, аны Худай сӧзін испеске кӧӧктірген. Iди Сайтан Худайның «ӱлгӱ тутчатханын» алай аның иң пӧзік положениезін ыырластығ критикаа кирген. Сайтан сурығ турғысхан: Худай ӱлгӱні орта тутча ба паза позының подданнайларының кирексіністерінеңер сағынча ба? Iдӧк Сайтан ікінҷілеске кирген: пірее дее кізі позының Худайға саңай пирінгенін арачылап полар ба? Позын андағ чолҷа апарып, Сайтан Худайның ыырҷызы пол парған, мына аннаңар ол Сайтан Дьявол тіп адалча (Бытие 3:1—5; Иов 1:8—11; Откровение 12:9).

3. Сайтан кізілерні позына пазыртар ӱчӱн, оларны хаңыртарға кӱстенче (2 Коринфянам 11:3, 14). Оларны хаңыртар пір оңдайы — тайма религия. Сынап, религия Худайдаңар тайма ӱгретчетсе, ол Сайтанның кирексінізіне нандырча (Иоанна 8:44). Тайма религияны тудынчатханнар ах сағыснаң сын Худайға пазырчабыс тіп сағынча поларлар, че олар Сайтанға хул полчалар. Ол «амғы чир ӱстӱндегі системаның худайы» (2 Коринфянам 4:4).

Тайма религия, спиритизм паза национализм кізілерні алҷаасха кирчелер.

4. Паза пір Сайтанның кізілерні позының ӱлгӱзіне пазынар оңдайы — спиритизм. Кізілер хуттарны постарын хадарзыннар, пасха кізілерге ӱрег итсіннер, алнынзархызын чоохтазыннар паза чапсыстығ киректер итсіннер тіп хығырчалар. Прай ол киректернің кистінде чабал кӱс, Сайтан, турча. Худайны чӧпсіндірер ӱчӱн, піске хайдағ даа оңдайнаң спиритизмнең палғалыспасха кирек (Второзаконие 18:10—12; Деяния 19:18, 19).

5. Анаң пасха, Сайтан кізілерні, нациязына махтандырып, хаңыртапча паза политическай организацияларға пазырарға кӧӧктірче. Кізілер пірееде постарының чонын алай расазын прайзынаң артых тіп санапчалар. Че ол тайма (Деяния 10:34, 35). Iдӧк политическай организациялар чонның сидіксіністерін чох идібізірлер тіп сағыс тутчалар. Iди сағынчатханнар Худай Царствозын албин хыя итчелер. Че чонның сидіксіністерін Худай Царствозы ла ӱзӱр полар (Даниил 2:44).

Иеговадаңар піліс аларын узарадып, Сайтанға тоғыр тур.

6. Паза пасха Сайтанның кізілерні алахтырар оңдайы — чазых идістерге хындырары. Иегова чазых кибірлернің ӱрег ағылчатханын пілче, аннаңар ол олардаң позып аларға чахығ пирче (Галатам 6:7, 8). Чазых киректер идерге кӧнік парған пірее кізілер, сині, оларның идістерінде аралазып, постарынаң хада ползын тіп сағыпча поларлар. Че сынында аны синнең Сайтан сағыпча (1 Коринфянам 6:9, 10; 15:33).

7. Иеговадаң хыя идер ӱчӱн, Сайтан сӱріснең паза тоғырланыснаң тузаланча. Синің чағыннарыңның піреезі, син Библияны ӱгренчеткен ӱчӱн, сағаа тың даа тарыныбызар. Пасхалары сағаа кӱлерлер дее. Че кемнің сылтаанда син тыннығзың? Сині, Иеговадаңар піліс аларға тохтаат салзын тіп, Сайтан хорғыт саларға хынча.Чаратпа Сайтанға пазыңа сығарға! (Матфея 10:34—39; 1 Петра 5:8, 9). Дъяволға тоғырлассаң, син Иеговаға ӧрініс ағыларзың паза Аның владычествозының саринда турчатханыңны кӧзідерзің (Притчи 27:11).

Copyright © 2007 Watch Tower Bible and Tract Society of Pennsylvania. All rights reserved.