Хайдағ сағыс Худай чирдеңер тутча?

1. Иегова чирні, аның ӱстӱнде кізілер мӧге паза часкалығ чуртазыннар тіп чайап салған. Ол, чир ӱстӱнде хаҷан даа праведнай паза ӧрчіліг чон чуртазын тіп, сағынған (Псалом 113:24; Исаия 45:18). Чир хаҷан даа чох иділбес, ол мӧге турар (Псалом 103:5; Екклесиаст 1:4).

2. Кізіні чайир алнында Худай, чир ӱстӱнде орын таллап алып, анда сіліг рай пӱдір салған. Ол аны Едемскай сад тіп адап салған. Андар ол пастағы иренні паза ипчіні, Адамнаң Еваны, кир салған. Худай оларның палалары чир ӱстӱне толзын тіп сағынған. Кӧӧлҷе-кӧӧлҷе кізілер прай чир ӱстӱн райға айландыр саларҷыхтар (Бытие 1:28; 2:8, 15).

Чідірілген рай.

3. Адамнаң Ева, Худай законын піле тура, аны сайбап, чазых ит салғаннар. Аннаңар Иегова оларны Едемскай садтаң сығара сӱрібіскен. Iди рай чідіріл парған (Бытие 3:1—6, 23). Че Иегова чирні ноға чайаанын ундутпаан.Ол чирні райға хатабох айландыр саларға молҷапча, хайзында кізілер мӧге чуртирлар. Худай сағызын хайди толдырар? (Псалом 36:29).

4. Чирні райға айландырар алнында чабал чон чох иділерге кирек (Псалом 36:38). Анзы Армагедонда — Худайның чабалны чох итчең чаазында полар. Анаң Сайтан 1000 чылға пиктел парар. Андағ оңдайнаң чирге ӱрег идер пірдеезі чох пол парар. Худай ла чоны тіріг халар (Откровение 16:14, 16; 20:1—3).

5. Анаң Иисус Христос чир ӱстӱнде 1000 чыл Хан полып устир (Откровение 20:6). Кӧӧлҷе ол кізі сағызынаң паза ит-сӧгінең чазыхты чох идібізер. Кізілер, Адамнаң Ева чазых идер алнында хайдағ толдыра полғаннар, андағох толдыра пол парарлар. Андада кізілер ағырбастар, кирібестер паза ӧлім чох полар. Ағырчатханнар ағырығларынаң позып аларлар (Иов 33:25; Исаия 33:24; Откровение 21:3, 4).

6. Иисустың Муң чыллығ Правлениезінде Худайға киртістіг кізілер чир ӱстӱн райға айландыр саларлар (Луки 23:43). Анаң пасха, Худай миллионнар ӱрееннерні чир ӱстӱнде чуртирға тіргізіп алар (Деяния 24:15). Сынап, ол кізілер Худайның киректепчеткенін толдырзалар, чир ӱстӱнде мӧге чуртирлар. Толдырбазалар, хаҷанға даа чох иділерлер (Иоанна 5:28, 29; Откровение 20:11—15).

7. Iди Худайның иң пастағыдаң сығара чирге ниме идерге сағынғаны прай тол парар. Ол алнында полар алғыстарны аларға хынчазың ма? Аның ӱчӱн сағаа Иеговадаңар піліс аларын узарадарға паза аның киректепчеткен нимелерін толдырарға кирек. Анзына сағаа Иегованың Киречілерінің иң чағынғы Царство Залындағы чыылығларға чӧргенің полызар (Исаия 11:9; Евреям 10:24, 25).

Армагеддон соонда чир хатабох рай пол парар.

Copyright © 2007 Watch Tower Bible and Tract Society of Pennsylvania. All rights reserved.