Нимедір ол Худай Царствозы?

1. Иисус чирде полғанда, позының чолынҷа парчатханнарны Худай Царствозы килерінеңер пазырарға ӱгреткен. Царство — ол правительство, хайзынаң устапча Хан. Худай Царствозы — Олаңай правительство нимес. Ол тигірде турғызылған паза чир ӱстӱнде устир. Царство Худайның адын чарыдар. Ол Худай ирігі тигірде ле нимес, че чирде дее толдырарында чидіге чидер (Матфея 6:9, 10).

2. Худай, позының Царствозының Ханы Иисус полар тіп, молҷаан (Луки 1:30—33). Иисус чирде чуртаанда, ол паарсах, сын, толдыра Устағҷы поларын кӧзіткен. Тигірзер айлан киліп, Иисус олох туста Худай Царствозының Ханы полыбыспаан (Евреям 10:12, 13). Молҷалған ӱлгӱні Иисусха Иегова 1914 чылда пирген. Ол тустаң сығара Иисус Иегова турғысхан тигірдегі Хан полыбысхан (Даниил 7:13, 14).

3. Ағаа хоза, Иегова пірее ирен паза ипчі кізілерні чирдең таллап алған. Олар ханнар, чарғыҷылар, абыстар поларлар паза Иисуснаң хада чоннаң устирлар (Луки 22:28—30; Откровение 5:9, 10). Иисус, позының Царствозының составына кіріп, аннаң хада устаҷаңнарны «кічіг ӧӧр» тіп адап салған. Оларның саны — 144 000 (Луки 12:32; Откровение 14:1—3).

4. Ханға турыбызып, Иисус Сайтанны паза аның чабал ангеллерін чирзер тӱзіре тастабысхан. Аннаңар 1914 чылдаң сығара чир ӱстӱндегі киректер тың хомайланыбысханнар (Откровение 12:9, 12). Чаалар, ӧзӧгіс, ағырығлар, сайбағлар кӧптелчеткені — прай пу нимелер Иисустың устапчатханының танығы полчалар паза амғы системаның тӱгенҷі кӱннерде чуртапчатханын кӧзітчелер (Матфея 24:3, 7, 8, 12; Луки 21:10, 11; 2 Тимофею 3:1—5).

5. Ӱр ниместең Иисус кізілерні, хайди пастух хойларнаң ӧскілерні чарча, ол оңдайнаң чарып, чарғылир. «Хойлар» — аның подданнайлары полчатханнарын кӧзідер кізілер. Олар чир ӱстӱнде мӧге чуртас аларлар. Худай Царствозын хыйа итчеткеннері — «ӧскілер» (Матфея 25:31—34, 46). Ӱр ниместең Иисус ӧскілерге тиңнелгеннерні чох идібізер (2 Фессалоникийцам 1:6—9). Сынап, син Иисустың «хойларының» аразында поларға хынчатсаң, сағаа Царстводаңар хабарны ситкіп тыңнирға паза алған піліс хоостыра чуртирға кирек (Матфея 24:14).

Иисустың правлениезінде хырт кӧріс паза азынада саба сағыс чох полар.

6. Амғы туста прай чир пасха-пасха страналарға чарыл парған. Полған на странаның позының правительствозы пар. Чоннар удур-тӧдір удаа чааласчалар. Че ол правительстволарның орнына Худай Царствозы килер. Ол чалғыс ла правительство, хайзы прай чир ӱстӱнде устир (Даниил 2:44). Аның тузында чаалар, сайбах идістер паза пазыныстар чох поларлар. Прай чоннар ынағ паза пір чӧптіг чуртирлар (Михей 4:3, 4).

7. Иисустың Муң чыллығ Правлениезінде киртістіг кізілер толдыра пол парарлар, чир райға айлан парар. Ол муң чылның тӱгенҷізіне Иисус, ноо нименеңер аны Худай сурынған, толдыр салар. Анаң ол Царствоны пабазына нандыра пирібізер (1 Коринфянам 15:24). Чарабас па сағаа позыңның нанҷыларыңа паза чағыннарыңа Худай Царствозы ниме ит саларынаңар искір пирерге?

Copyright © 2007 Watch Tower Bible and Tract Society of Pennsylvania. All rights reserved.