Хайди молитва пастыра Худайға чағын полып аларға?

1. Молитва — ол Худайның пазымнығ чоохтасханы. Худайға пазырғаны кибірге кірерге кирек. Ол оңдайнаң син Худайнаң, чағын нанҷыңнаң чіли, чағыназарзың. Иегова, саны чох илбек кӱстіг дее полза, пістің молитваларыбысты исче! Син Худайға тӧреміл пазырчазың ма? (Псалом 64:3; 1 Фессалоникийцам 5:17).

2. Молитва — пазырыстың чардығы. Аннаңар молитваны ызарға кирек Худайға ла — Иеговаға. Хаҷан Иисус чирде полған, позының молитваларын кемге-де нимес, че Пабазына ла ысхан. Піске ідӧк идерге кирек (Матфея 4:10; 6:9). Прай молитваларны Иисустың адының пастыра ызарға кирек. Iди піс Иисустың положениезін улуғлапчатханыбысты паза аның тоолағлығ тайина киртінчеткенібісті кӧзідербіс (Иоанна 14:6; 1 Иоанна 2:1, 2).

3. Худайға пазырчатса, пістің чооғыбыс прай чӱреебістең сығарға кирек. Молитваны, наизусть ӱгреніп алып, чоохтирға алай молитвенниктең хығырарға чарабинча (Матфея 6:7, 8). Пазырарға прай даа чирде, ноо даа туста паза турып таа, одырып таа паза пасха даа оңдайнаң чарир. Тапсабин даа, чӱректе ле пазырғанын Худай исче (1 Царств 1:12, 13). Постың молитвазына ағылах орын тапханы чахсы полар (Марка 1:35).

4. Нимедеңер пазырарға чарир? Прай аннаң нанҷылазарға полысчатхан нимедеңер (Филлипийцам 4:6, 7). Кӧзідімге пирілген молитвадаң Иегованың адынаңар паза аның идерге сағынчатхан нимелерінеңер пазырарға килісчеткені іле кӧрінче. Iдӧк материальнай полызығдаңар, чазыхтарны тастирдаңар паза хыҷаланыста тур халарға полызығдаңар сурынарға чарир (Матфея 6:9—13). Пазырчатса, чабды хылых тутпасха кирек. Худайның на ирігіне килістіре пазырарға кирек (1 Иоанна 5:14).

5. Хаҷан даа, хаҷан сині чӱрегің Худайны махтирға паза алғыстирға кӧдірчетсе, пазырарға чарир (1 Паралипоменон 29:10—13). Хаҷан сидіктер читсе паза синің киртінізің сыныхталчатса, пазырарға кирек (Псалом 54:23; 119:1). Азыранар алнында пазырғаны орта полар (Матфея 14:19). Иегова «ноо даа туста» пазырарға хығырча (Эфесянам 6:18).

6. Хаҷан син улуғ чазых ит салзаң, уламох пазырарға кирек. Сынап, син аның алнында чазыхтарыңны ассаң паза прай кӱзіңнең аны хатап итпеске кӱстензең, Худай пыроңны тастирға тимде полар (Псалом 85:5; Притчи 28:13).

7. Иегова праведнай ла кізілернің молитваларын исче. Пазырғаныңны Худай иссін тіп сағынчатсаң, сағаа прай кӱзіңнең аның законы хоостыра чуртирға кӱстенерге кирек (Притчи 15:29; 28:9). Пазырчатса, сағаа пазымнығ поларға кирек (Луки 18:9—14). Нимедеңер син Худайны сурынғазың, аны толдырар ӱчӱн кӱс саларға кирек. Ол оңдайнаң син киртінчеткеніңні паза позыңның хоостыра чоохтанчатханыңны кӧзідерзің. Андада ла Иегова синің пазырғаныңа нандырар (Евреям 11:6).

Copyright © 2007 Watch Tower Bible and Tract Society of Pennsylvania. All rights reserved.