Худай нымысчыларына арығ поларға кирек

1. Иегова Худай арығ паза чарых. Ол позына пазырчатханнарынаң духовнай, нравственнай паза физическай арығны, ідӧк арығ сағыстарын хайралирларын сағыпча (1 Петра 1:16). Сынап, Худайның кӧрізінде арығ поларға хынчатсабыс, пістең кӧп кӱс салары киректелче. Піс арығ нимес мирде чуртапчабыс. Ағаа хоза піске позыбыстың саба хылығыбыснаң кӱрезерге килісче. Че піске пирінерге чарабас.

2. Духовнай арии. Сынап, піс Иеговаға нымыстанарға хынчатсабыс, піске тайма религияларның ӱгредиин паза кибірлерін тудынарға чарабас. Піске тайма религиянаң палғалысханыбысты ӱзе сабарға паза ағаа пір дее полыспасха кирек (2 Коринфянам 6:14—18; Откровение 18:4). Худайдаңар сынны піліп алғанда, піске, таймаа ӱгретчеткеннерге хаңыртып салдырбас ӱчӱн, китенерге кирек (2 Иоанна 10, 11).

3. Нравственнай арии. Иегова, позына пазырчатханнар хаҷан даа сын христианнар полып чӧрзіннер тіп, сағынча (1 Петра 2:12). Ол пістің прай, чазыттығ даа, киректерібісті кӧрче (Евреям 4:13). Піске сайбах чӧргеннең паза пасха даа мирдегі арығ нимес кибірлердең хыйызарға кирек (1 Коринфянам 6:9—11).

4. Сағыстар арии. Сынап, піс мизібісті арығ сағыснаң толдырзабыс, пістің полған полызыбыс арығох полар (Филлипийцам 4:8). Че мис пуртах сағыснаң толдырылза, полған полыс ідӧк кірліг полар (Матфея 15:18—20). Пістің сағызыбысха сайбағ ағылар ӱтертеністерні піске хыйызарға кирек. Піс, Худай Сӧзіне ӱгрензебіс, мизібісті арығ сағыстарнаң толдыр поларбыс.

5. Физическай арығ. Христианнар — Худай кізілері, аннаңар оларға постарының идін паза кип-азағын арығ тударға кирек. Туалетсер чӧрген соонда, ідӧк азыранар алнында паза азырал тимнир алнында холны чуурға кирек. Сынап, ибде чахсы канализация чох полза, тасхарлалған нимені кӧӧм саларға кирек (Второзаконие 23:12, 13). Физическай арығ — изен хазыхтың тӧстии полча. Христианиннің чурты істінең дее, тастынаң даа арығ поларға кирек. Тураларның аразында ол кӧзідімніг поларға кирек.

6. Арығ чоох. Худайның нымысчыларына сын чоохтығ поларға кирек. Чойлар Худай Царствозына кірбестер (Эфесянам 4:25; Откровение 21:8). Христианнар хырызынминчалар. Олар пуртах хормачы чоохтарны паза киліспес историяны чоохтабинчалар паза постары даа тыңнабинчалар. Постарының арығ тіллерінең олар постарының тоғыстағы паза школадағы, ідӧк хыринда чуртапчатхан кізілердең пасхалалчалар (Эфесянам 4:29, 31; 5:3).

Худайның нымысчылары прай хыринаң арығ поларға киректер.

Copyright © 2007 Watch Tower Bible and Tract Society of Pennsylvania. All rights reserved.