Худайға киліспес киртіністер паза кибірлер

Худай Троица нимес.

1. Прай ла киртістер паза кибірлер хомай ниместер. Че чой религиядаң сыхханнарына паза библейскай ӱгредіглерге тоғырласчатханнарына Худай чӧпсербинче (Матфея 15:6).

2. Троица. Иегова — Троица полча ба? Ол пір Худай ӱс сырайлығ ба? Чох! Ӧркі паба — Иегова — «чалғыс сын Худай» полча (Иоанна 17:3; Марка 12:29). Аның тун оолғы — Иисус, аның ӱлгӱзінде полча (1 Коринфянам 11:3). Пабазы Оолғынаң улуғ (Иоанна 14:28). Ызых хут — личность нимес, че Худайның тӧреміл тоғынчатхан кӱзі (Бытие 1:2; Деяния 2:18).

Кӧледе паза Хызыл Нымырха пурунғы чой религиялардаң сыхханнар.

Ӧліглерге пазырарға паза олардаң хорығарға пір дее тӧстег чоғыл.

3. Кӧледе паза Хызыл Нымырха. Иисус 25 декабрьда тӧребеен. Ол 1 октябрь тузында тӧреен. Чылның ол тузында мал хадарҷаңнар малларын чазыда хондырҷаңнар. (Луки 2:8—12). Иисус христианнарға позының тӧреен кӱнін ӱлӱкӱннирге хаҷан даа чоохтабаан. Анаң кӧрзе, ол позының ӱгренҷілеріне позының ӱреен кӱнін хумартхылап таныхтирға чахаан (Луки 22:19, 20). Кӧледе паза кӧледенің кибірлері пурунғы чой религияларда тӧстігліглер. Олох оңдайлығ Хызыл нымырханың кибірлері, хайзында сырлаан нымырхалар паза ӧнетін иткен халастар. Пастағы христианнар кӧледені паза Хызыл Нымырханы ӱлӱкӱннебеенер, ідӧк амғы сын христиаанар андағ нимені итпинчелер.

4. Тӧреен кӱн. Библияда ікі ле Иеговаға пазырбаан кізілернің тӧреен кӱннерін ӱлӱкӱнеені таныхталча (Бытие 40:20—22; Марка 6:21, 22, 24—27). Пурунғы христианнар тӧреен кӱннерін ӱлӱкӱннебееннер. Ол кибір пурунғы чой религиялардаң килген. Сын христианнар чыл ибіре сыйласчалар паза удур-тӧдір тоғазығларына ӧрінчелер.

5. Ӱрееннердең хорыхханы. Ӱреен кізілер пір дее ниме пілбинчелер алай пір дее ниме ит полбинчалар. Піс оларға полыс полбаспыс, олар даа піске ӱрег ағыл полбастар (Псалом 145:4; Екклесиаст 9:5, 10).Тын ӧл парча, ӧлген соонда ол чуртабинча (Иезекииль 18:4). Че пірее туста, ӱреен кізінің худы полып, айналар тіп адалчатхан чабал ангеллер килчелер. Ӱреен кізілердең хорығарға паза оларға пазырарға кӧӧктірчеткен кибірлер хомайлар (Исаия 8:19).

6. Крес. Иисус кресте ӱребеен.Ол тӧгеде алай столбада ӱреен. Греческай сӧс, хайзы кӧп библейскай тілбестіглерде «крес» тіп сӧснең тілбестелгені, сынында тӧге полча. «Крестің» символы пурунғы чой религиядаң сыххан. Пурунғы христианнар Худайға пазырчатса, креснең тузаланмаҷаңнар паза креске пазырбаҷаңнар. Аннаңар сағын кӧр: пазырчатса, креснең тузаланарға орта полар ба? (Второзаконие 7:26; 1 Коринфянам 10:14).

7. Пу саналған киртіністернің паза кибірлернің піреезін тастирға сидік тее полар. Туғаннарың паза нанҷыларың иргі киртіністерні паза кибірлерні тастабасха чӧптирлер, неке. Че Худайның кӧңнін толдырғаны кізі кӧңніне кіргеннең хай-хай артых (Притчи 29:25; Матфея 10:36, 37).

Copyright © 2007 Watch Tower Bible and Tract Society of Pennsylvania. All rights reserved.