Хайди табарға сын религияны?

1. Иисус тӧстеен пір ле сын христианскай религияны. Аннаңар пӱӱнгі туста пірӧк ле Иегова Худайға сын оңдайнаң пазырчатхан группа поларға кирек (Иоанна 4:23, 24; Эфесянам 4:4, 5). Библия, асхынах ла кізі чуртасха апарчатхан ніскеҷек чолҷа парча тіп, ӱгретче (Матфея 7:13, 14).

2. Библияда, апостоллар тоозылза, христианнар аразынзар тайма ӱгредіг паза христианскай нимес кибірлер аралызыбызары азынада чоохталған. Iдӧк пірее кізілер киртінчеткен кізілерні Христостың соонҷа нимес, че постарының соонҷа апарарлар тіп пазыл парған (Матфея 7:15, 21—23; Деяния 20:29, 30). Аннаңар амғы туста христианскай тіп адалчатхан религиялар кӧп. Хайди танып алҷаң сын христианнарны?

3. Сын христианнарға ла килістіре иң ӧӧн танығ — оларның удур-тӧдір ах сағыснаң хынысханы (Иоанна 13:34, 35). Сын христианнар, пір раса алай пір ӧңніг кізілер пасха расаның алай пасха ӧңніг кізілердең артыхтар тіп, ӱгретпинчелер. Оларның аразында ідӧк пасха страналарның кізілеріне хырт поларға ӱгретпинчелер (Деяния 10:34, 35). Аннаңар сын христианнар чааларда араласпинчалар. Удур-тӧдір олар харындас-пиҷілер чіли хайысчалар (1 Иоанна 4:20, 21).

Сын христианнар удур-тӧдір хынысчалар, Библияны улуғлапчалар паза Худай Царствозынаңар чоох таратчалар.

4. Анаң андархы танығ — Библияны тың улуғлааны. Сын христианнар аны Худай Сӧзі тіп санапчалар паза прай анда пазылған нимее киртінчелер (Иоанна 17:17; 2 Тимофею 3:16, 17). Худай Сӧзі оларға кізілер идеязының паза кибірлерінің артых ( Матфея 15:1—3, 7—9). Олар хаҷан даа Библия хоостыра чуртирға кӱстенчелер. Аннаңар оларның иткен киректері сӧстеріне тоғырласпинчалар (Титу 1:15, 16).

5. Сын религиядағыларға ідӧк Худайның адын улуғлирға кирек (Матфея 6:9). Иисус чонға Худайның ады Иегова полчатханын асхан. Сын христианнарға ідӧк идерге кирек (Иоанна 17:6, 26; Римлянам 10:13, 14). Кем син чуртапчатхан чирде Худайның адын кізілерге искірче?

6. Сын христианнарға Худай Царствозынаңар чоох тарадарға кирек. Анынаң теескен Иисус. Ол хаҷан даа Царствонаңар чоохтаҷаң (Луки 8:1). Олох хабарны ӱгренҷілеріне прай чир ӱстӱне тарадарға чахаан (Матфея 24:14; 28:19, 20). Сын христианнар Худайның на Царствозы чир ӱстӱнде амыр паза хорғыс чох чуртас пирерін пілчелер (Псалом 145:3—5).

7. Иисустың ӱгренҷілері пу чабал мирнің киректерінде араласпинчалар (Иоанна 17:16). Олар мирдегі политическай паза социальнай талазығларға ара кірбинчелер. Олар пу мирге киліскек сайбағлығ оңдайларны, кибірлерні паза сағыстарны постарына албинчалар (Иакова 1:27; 4:4). Син прай пу саналған сын христианствоның танығлары пар религияны адап поларзың ма?

Copyright © 2007 Watch Tower Bible and Tract Society of Pennsylvania. All rights reserved.