Иегованың Киречілерінің организациязының пӱдізі

1. Иегованың Киречілерінің амғы историязы 1870 чылларда пасталған. Пастап олар Библия Сыныхтағҷылары тіп адалғаннар. Че 1931 чылда Библия Сыныхтағҷылары постарына Библияда тӧстелген Иегованың Киречілері тіп ат алғаннар (Исаия 43:10). Пастап улуғ нимес организацияда пӱӱн миллионнар Киречілер 230 азыра странада чоох таратчалар.

2. Иегованың Киречілерінің кӧбізі чыылығларында неделя сай ӱс тоғазығ иртірілче. Син хайзына даа хығырылчазың (Евреям 10:24, 25). Ӧӧн ӱгренчеткен ниме — Библия. Тоғазығлар пасталчалар паза тоозылчалар молитванаң. Кӧбізі тоғазығларда «духовнай сарыннар» толдырылчалар (Эфесянам 5:18, 19). Кірері пос, ахча чыылбинча (Матфея 10:8).

3. Иегованың Киречілерінің кӧбізі чыылығлары Царство Залында иртірілчелер. Ол олаңай ла зданиелер, хайзын олох Киречілер аразынаң пос кӧңнінең сыххан пӱдірігҷілер пӱдіргеннер. Iстінде образтар, распятиелер паза ағаа тӧӧй нимелер чоғыл. Хорағлар пос кӧңнінең тайыға пирілген нимелердең чабылча. Андағ тайығ пирерге хынчатханнарға ӧнетін иділген харачахтар турчалар (2 Коринфянам 9:7).

4. Полған на чыылығда старейшиналар алай надзирательлер пар. Олар чыылығда ӱгредігнең устапчалар (1 Тимофею 3:1—7; 5:17). Оларға полысчалар «нымысчы полысчылары» (1 Тимофею 3:8—10, 12, 13). Адалған нымысчылар чыылығдағы пасха христианнардаң пӧзік ниместер (2 Коринфянам 1:24). Оларның ӧнетін пирілген титуллары чоғыл (Матфея 23:8—10). Олар прайзыох чіли тонанчалар. Оларның тоғызы тӧлелбинче. Старейшиналар пос кӧңнінең чыылығның духовнай кирексіністерінеңер сағыссырапчалар. Олар, хаҷан аар киректер полза, часхыр поларлар паза чӧп пир поларлар (Иакова 5:14—16; 1 Петра 5:2, 3).

5. Анаң пасха Иегованың Киречілерінің чыл сай улуғ чыылығлар алай конгресстер иртірілчелер. Анда пір саңай кӧп чыылығлар ӧнетін тимнелген библейскай ӱгредіг программазын исчелер. Кибір оңдайынаң полған на конгрессте наа ӱгренҷілер крӧске тӱсчелер (Матфея 3:13—17; 28:19, 20).

6. Иегованың Киречілерінің ӧӧн управлениезі Нью-Йоркта полча. Анда тоғынча Устағ чӧбі — прай чир ӱстӱндегі чыылығларны кӧрчеткен опытнай старейшиналар. Ағаа хоза пасха-пасха страналарда 100 азыра филиал тоғынча. Анда пос кӧңнінең тоғынчатханнар библейскай литератураны печатать поларға паза тарадарға полысчалар. Iдӧк филиалдаң чоох таратчаң тоғыснаң устағ сыхча. Чарабас па чағынғы филиалзар пар килерге план турғыс саларға?

Copyright © 2007 Watch Tower Bible and Tract Society of Pennsylvania. All rights reserved.