1. Амғы тусха син Библиядаң кӧп чахсы ниме піліп алдың. Ол пілістер сині христианскай личность аларға кӧдірерге киректер (Эфесянам 4:22—24). Мӧге чуртас алар ӱчӱн, Библиядаң піліс аларға кирек (Иоанна 17:3). Че пасха кізілерге арачылас алар ӱчӱн, ідӧк чапсых хабарны истерге кирек. Прай сын христианнар пасха кізілерге киречілирге киректер. Аны Худай чахаан (Римлянам 10:10; 1 Коринфянам 9:16; 1 Тимофею 4:16).
2. Син прай піліп алған чахсы нименең позыңның чағыннарыңнаң ӱлезерҷіксің. Чоохтап пир аннаңар семьяңа, нанҷыларыңа, школадағы арғыстарыңа паза хада тоғынчатханнарыңа. Олох туста паарсах паза тыстамахтығ пол (2 Тимофею 2:24, 25). Ундуба, кізілер кӧбізін кізі чооғын испин, аның полчатхан полызынзар кӧрчелер. Аннаңар синің чахсы оңдайың син искірчеткен хабарзар кізілерні айландыра тартар (Матфея 5:16; 1 Петра 3:1, 2, 16).
3. Хынза, ӱр ниместең син позың чуртапчатхан аймахтағы Иегованың Киречілерінің чыылинаң хада чоох тарадарға чарадығ аларзың. Ол христианскай чолның аарлығ кизегі (Матфея 24:14). Хайдағ ӧріністіг, хаҷан піреезіне Иегованың нымысчызы полып аларға паза мӧге чуртас аларға полыс пир ползаң! (1 Фесалоникийцам 2:19, 20). |
