1. Худай нанҷызы полар ӱчӱн, библияның сынын чахсы иде чоллап аларға (1 Тимофею 2:3, 4), піліп алған нимее киртінерге (Евреям 11:6), иткен чазыхтардаңар пырозынарға (Деяния 17:30, 31) паза чуртас кибірін алыстырарға кирек (Деяния 3:19). Анаң Худайға хынызың сині Худайға позыңны пирінерге кӧдірерге кирек. Анзы синің Худайға пазырып, аның кӧңнін толдырарға позыңны пирчеткеніңні чоохтааның полар (Матфея 16:24; 22:37).
2. Позыңны Худайға пирінген соонда сағаа крӧске тӱзерге кирек (Матфея 28:19, 20). Крӧске тӱскені синің Иеговаға пирінгеніңні прайзына піліп алар оңдай пирче. Аннаңар крӧске тӱсчеткеннер, Иеговаға пирінерге чарадығ ал полар ӱчӱн, тың кічіг частығ кізілер полбасха кирек. Крӧске тӱсчетсе, кізі ӱр нимеске пӱкӱле суғ алтына патырыларға кирек* (Марка 1:9, 10; Деяния 8:36).
3. Син Иеговаға пирінген соонда ол синнең позың пирген молҷағ хоостыра чуртирыңны сағир (Псалом 49:14; Екклесиаст 5:3, 4). Дьявол кӱстенер сині Иеговаға нымыстанмас ит саларға (1 Петра 5:8). Че син молитва пастыра чағыннас Худайнаң (Филиппийцам 4:6, 7). Кӱнің сай аның Сӧзін чоллас (Псалом 1:1—3). Чыылығны пик тудын (Евреям 13:17). Ол оңдайнаң син Худайға киртісті тударға кӱс аларзың. Іди син хаҷаннаң хаҷанға даа ниме синнең Худай киректепчеткенін толдыр поларзың!
|
