Yezu Kilisto Udi Nanyi? - Site ya Internet ya Alondolodi a Yehowa ii Idi Mujiyiwa

Site ya Internet ya Alondolodi a Yehowa ii Idi Mujiyiwa

Beliefs

Future

Nzambi Udi Mutulomba Gima Tshi?

Longi dia 3

Yezu Kilisto Udi Nanyi?
	Mukunda natshi Yesu gadi mutamegewa egi mona “wa somi” wa Nzambi? (1)
	Mukunda natshi anomutamega egi “Mbimbi”? (1)
	Mukunda natshi Yesu gajile hamavu gifua muthu? (2-4)
	Mukunda natshi Yesu gakhalele mutshita ima ya gudihula? (5)
	Itshi Yesu mbatshita mu masugu amuza gutuama? (6)

1. Yesu wakhalele mujinga mu dilu gifua givule gutuama diaguza haha hamavu. Wakhalele muthu wathomo wafugiwe gua Nzambi, hene gadi mutamegewa egi mona “wa somi” wa Nzambi. (Kolosai 1:15; Yatuwuwe 3:14) Yesu udi mona mumoshi ha mumoshi you wafugile Nzambi nu mago enji hakhenji. Yehowa wazudile Yezu gifua “gaphita ga mudimo” wenji mukunda nu gufuga nenji ima yagasue idi mudilu nu idi hamavu. (Ishima 8:22-31; Kolosai 1:16, 17) Nzambi wakhalele gumuzangula luko gifua muzueledi wenji. Hene, Yesu gadimutamegewa egi “Mbimbi.”—Yone 1:1-3; Yatuwuwe 19:13.

2. Hagutuma munenji hamavu, Nzambi wambile monyo wenji mu vumo dia madiya. Ngenyi, Yesu gakhalele nu shenji ya muthu ndo. Mukunda nu ngenyi, gazanguile ndo masumu a athu nu gubola guawo. Nzambi watumine Yesu hamavu hagulungisa ima itatu ya funu: (1) hagutulonga ndaga jia matshidia jimutadila Nzambi (Yone 18:37), (2) ha gukhala nu gutagana nu hagutubembela mbandu ya gulandula (1 Phetelo 2:21), nunji (3) haguhana monyo wenji gifua mulambu hagutukula mu masumu nu mu gufua. Mukunda natshi yakhalele funu?—Matayo 20:28.

3. Hagukonda guvila Nzambi, muthu wa thomo, Adamu wasalele “disumu.” Nzambi wa muhuile ndola ya gufua. (Gisendeselo 3:17-19) Gakhalele luko ndo muthu watagana gu meso a Nzambi. Ngenyi, habibi-habibi wa sendesele gukola nunji wafile. Adama wabembele masumu gudi anenji. Hene tuanu kola, tuanu kata nu gufwa mukunda nu masumu. Luholotshi athu ajiya guhuluishiwa?—Lomo 3:23; 5:12.

4. Yesu wakhalele muthu watagana gifua Adama. Yesu wakhalele muthu watumaga gua Nzambi. Uvi Adama gamutumagele ndo. Wahanele lujingu luenji lua muthu wa tagana hagutukula mu masumu a Adama. Yene Bibila didi mutamega egi “kulo (rançon).” Ngenyi, njila yakangugile haguhuluisa ana a Adama mu gufua. Athu agasue adi nu gutshigina gudi Yesu, Nzambi udi guatotesela masumu awo, nunji mbajinga ivo nu ivo.—1 Timote 2:5, 6; Yone 3:16; Lomo 5:18, 19.


Mudimo wa Yesu wakhalele gulonga, gutshita ndaga jia gudihula, nu guhana monyo wenji mukunda neswe

5. Mu tangua dia khalele Yesu hamavu, wasagale enya misongo, wahuile athu ima ya gudia, nunji wamagesele funji yabala, wafutumuishile athu agufua. Mukunda natshi akitshile ima ya gudihula? (1) Wakhalele nu khenda jiavula gudi athu akhalele mu lamba, nunji watshiginine gua kuatesa. (2) Ndaga jia gudihula jia kitshile Yesu jia dijigile egi wakhalele muna Nzambi. (3) Jia monesele luko itshi mba akitshila athu anu muvila mukumbi mba gakhala fumu hamavu.—Matayo 14:14; Mako 2:10-12; Yone 5:28, 29.

6. Yesu wafile nunji Nzambi wamufutumuile gifua givule, gunyima wavutugile genji gosa. (1 Phetelo 3:18) yandiga henyanyi Nzambi wamuhaga fumu. Gualeha ndo Yesu mbo mumanesela malamba nu gubola guagasue gudi haha hamavu.—Ngimbo 37:9-11; Ishima 2:21, 22.

Ya zolewe mu 2000
Copyright © 2006 Watch Tower Bible and Tract Society of Pennsylvania. All rights reserved.