 |
Beliefs | Future | Medical | Topics | Contact Us | Publications | Languages |
| Nzambi Udi Mutulomba Gima Tshi? | Longi dia 5  |
Luzolo Lua Nzambi Mukunda nu Mavu Ludi Itshi? |
|
 |
Mukunda natshi Yehowa wafugile mavu? (1, 2) |
|
Mukunda natshi mavu ashigo phaladiso luenyelu? (3) |
|
Itshi mba ibuila athu abola? (4) |
|
Itshi Yesu mba atshita mu ilumbu idi muza mukunda nu misongo? gukola? nu gufua? (5, 6) |
|
Itshi wajiya gutshita hagumona gusuanguluga mu masugu wawa? (7) |
1. Yehowa walondele mavu wawa mu phila egi athu akhale nu gusuanguluga ivo nu ivo. Watshiginine egi mavu akhale nu athu atagana, nu enya gusuanguluga. (Ngimbo 115:16; Yeshaya 45:18) Mavu mba ashi mufuago, mba akhala ivo nu ivo.—Ngimbo 104:5; Mulongeshi 1:4. 2. Gudiangela egi Nzambi afuge muthu, wazudile gitshinyi gimoshi gia mavu, wagilondele phaladiso dia bonga sha. Watamegene fundo dyene egi masamba a edene. Yala nu mukhetu wathomo, Adama nu Eva, waahaile haha. Nzambi waalezele egi abute ana nu azalese mavu agasue. Habibi-habibi akhalele naye gulonda mavu agasue abue phaladiso.—Gisendeselo 1:28; 2:8, 15.
3. Adama nu Eva asumugile mu luzolo luawo luagasue gu mikhuala ya Nzambi. Hene Yehowa waakaile mu masamba a Edene. Phaladiso dia totele. (Gisendeselo 3:1-6, 23) Uvi Yehowa gajimbidile ndo laji dienji mukunda nu mavu. Wahanele laji haguvutula phaladiso, mukunda athu mbakhale hene ivo nu ivo. Luholotshi mbaalungisa ndaga ii?—Ngombo 37:29. 4. Hagula mavu avutuge phaladiso, athu abola adi naye gukatuiwa thomo hamavu. (Ngimbo 37:38) Ndaga ii mba ibua mu Halemagedona, idi itumba ya Nzambi mbaisugisa gubola guagasue. Thomo, Satana mba umbiwa mu bologo dia ginunu gia ivo (1.000). Ngenyi, muthu wabola ata mumoshi mbagashi mubembeya ndo hagubolesa mavu. Kaka athu a Nzambi mba ahuluga.—Yatuwuwe 16:14, 16; 20:1-3. 5. Ngenyi, Yesu Kilisto mbohingina hamavu ivo 1 000. (Yatuwuwe 20:6) Mage-mage, mbaumukatula masumu mu matangi nu mu mwila wetu. Mbatubua athu atagana gifua muakhalele Adama nu Eva gumatuama agusumuga. Ngenyi misongo, gukola nu gufua mbagukhadi luko ndo. Enya misongo mba avua muabonga, athu akolele gale mba avutuga luko alenge.—Yobo 33:25; Yeshaya 33:24; Yatuwuwe 21:3, 4. 6. Mu Ufumu wa Yesu wa Ginunu gia Ivo, athu atumaga mba amubalumuna mavu haguavutula phaladiso. (Luka 23:43) Nunji inunu yavula ya athu agufua mbaafutumuga hagujinga luko haha hamavu. (Makalegelo 24:15) Gula atshita midimo idi Nzambi mualomba, mba alandula gujinga ivo nu ivo hamavu. Monyi ndo mbaashiiwa diago.—Yone 5:28, 29; Yatuwuwe 20:11-15. 7. Luzolo lua Nzambi mukunda nu mavu mba lulungishiwa. Watshigina nji gusuanguluga mu ilumbu ii ya bonga imuza? Gula watshigina, landula gulongoga hagujiya Yehowa nu gulemvuga gu mikhuala yenji. Gudibungisa nu Mathemue a Yehowa mu Inzo ya Ufumu yawo guajiya gugukuatesa hagutshita nganyi.—Yeshaya 11:9; Hebelu 10:24, 25.
|
Ya zolewe mu 2000 |
 |
Copyright © 2006 Watch Tower Bible and Tract Society of Pennsylvania. All rights reserved. |
|
