Ufumu wa Nzambi Udi Tshi? - Site ya Internet ya Alondolodi a Yehowa ii Idi Mujiyiwa

Site ya Internet ya Alondolodi a Yehowa ii Idi Mujiyiwa

Beliefs

Future

Nzambi Udi Mutulomba Gima Tshi?

Longi dia 6

Ufumu wa Nzambi Udi Tshi?
	Ufumu wa Nzambi wanukhala fundo tshi? (1)
	Nanyi udi fumu yenji? (2)
	Dyago gudi nu athu ako mbahingana nu fumu mwene? Gula ngenyi, adi gutshi? (3)
	Itshi idi mudijiga egi tudi mujinga mu ilumbu ya masugishilo? (4)
	Ufumu wa Nzambi mbautshita tshi mukunda nu athu mu masugu a muza gutuama? (5-7)

1. Mukumbi diakhalele muene ha mavu, Yesu walongele alandudi enji hagusambela mukunda nu Ufumu wa Nzambi. Ufumu udi uhinyinyi wanutuamezewa gudi fumu. Ufumu wa Nzambi udi ufumu umoshi wa luholo luko. Udi gosa nunji mbauhingana hamavu. Mbaunemesa jina dia Nzambi. Mbaukita egi luzolo lua Nzambi lulungishiwe hamavu gifua ludi mulungishiwa gosa.—Matayo 6:9, 10.

2. Nzambi watendelele gamba Yesu mbaukhala Fumu wa Ufumu wenji. (Luka 1:30-33) Mukumbi diakhalele Yesu hashi hamavu, wadijigile diago egi mbaukhala Fumu wabonga, watagana nu wasuanguluisa. Mukumbi diavutugile mwene gosa, Yesu gabuile go mbala imoshi Fumu ya Ufumu wa Nzambi. (Hebelu 10:12, 13) Mu givo 1914, Yehowa wahuile Yesu njila ya guhinyina gifua ha mutendelele mwene. Sendesa henyanyi, Yesu wayandigile guhinga gosa gifua Fumu wasolewe gudi Yehowa.—Daniele 7:13, 14.

3. Yehowa waphonele athu atumaga mala nu akhetu haguya gosa. Mbahinyina nu Yesu gifua mafumu, manzuji, nu nganga-Nzambi holu dia athu. (Luka 22:28-30; Yatuwuwe 5:9, 10) Yesu watamegene athu wawa mbahinyina nu mwene egi “thundu yazonda.” Adi athu inunu 144 000.—Luka 12:32; Yatuwuwe 14:1-3.

4. Hadile nu gubua Fumu, Yesu wakayele Satana nu anjelo enji abola gosa, nunji wa abishidile haha hamavu. Tala gishina gia bolesele ndaga hamavu sendese mu givo 1914. (Yatuwuwe 12:9, 12) Ita, nzala, misongo, gukonda gujitisa mikhuala, ima ii yagasue idi “gidimbu” gidi mudijiga egi Yesu udi gale Fumu gosa, nunji tudi mujinga mu ilumbu ya masugishilo.—Matayo 24:3, 7, 8, 12; Luka 21:10, 11; 2 Timote 3:1-5.

5. Gualeha ndo Yesu mbo musambesa athu, ha guakhapha gifua hana khapha mufugi wa imeme nu khombo. “Imeme” idi athu abonga ago amonesele gukangama gu Ufumu wa Nzambi. Mba adi muheta monyo wa mayilago sha hashi hamavu. “Khombo” jidi athu atuna Ufumu wa Nzambi. (Matayo 25:31-34, 46) Mu masugu a gutuama, Yesu mbaumushiya athu agasue adi gifua khombo. (2 Tesalonike 1:6-9) Gula watshigina gukhala mukatshi dia imeme ya Yesu, idi muabonga uvue mbimbi ya Ufumu wa Nzambi nu gu itshitshila.—Matayo 24:14.

Mu Ufumu wa Yesu, phashi nga lamba mbajishi mukhala ndo

6. Luenyelu, mavu adi agudikhapa mu membo avula. Dimbo nu dimbo didi nu ufumu wenji. Mbala jiavula membo ene anodiluisa. Uvi, Ufumu wa Nzambi mbauzula fundo dia ufumu wa athu agasue. Mbaukhala wene hakhenji haguhinyina mavu agasue. (Daniele 2:44) Ngenyi, ita mbaikhadi luko go, gushiya athu nga mubulu mbaukhadi luko ndo. Athu agasue mbajinga tedie hama hamoshi mu guhuima.—Mika 4:3, 4.

7. Mu uhinyinyi wa Yesu wa Ginunu gia Ivo, athu atumaga mbaamubua athu atangana, nunji mavu agasue mbaabalumuga Phaladiso. Hasuga ya Ginunu gia Ivo, Yesu mbaulungisa ima yagasue ya mulombele Nzambi hagutshita. Ngenyi, gunyima mbaumuvutula ufumu gudi Shienji. (1 Kolinto 15:24) Mukunda natshi wajiilego gu wambela mafuta aye nu athu aye wanuzumba ndaga ii mbaitshita Ufumu wa Nzambi mukunda nu athu?

Ya zolewe mu 2000
Copyright © 2006 Watch Tower Bible and Tract Society of Pennsylvania. All rights reserved.