Luholotshi Gusuena Hehi nu Nzambi mu Gisambu - Site ya Internet ya Alondolodi a Yehowa ii Idi Mujiyiwa

Site ya Internet ya Alondolodi a Yehowa ii Idi Mujiyiwa

Beliefs

Future

Nzambi Udi Mutulomba Gima Tshi?

Longi dia 7

Luholotshi Gusuena Hehi nu Nzambi mu Gisambu
	Mukunda natshi idi funu ha gusamba mbala jiavula? (1)
	Nanyi tuajiya gusambela, nunji luholo tshi? (2, 3)
	Ima tshi tuajiya gulomba mu gisambu? (4)
	Kumbi tshi tuajiya gusamba? (5, 6)
	Nzambi wanovua isambu yagasue ba? (7)

1. Gisambu gidi guzuela nu Nzambi nu gudibulumuisa guagasue. Tudi naye ya gusamba Nzambi mbala jiavula. Ngenyi, tuajiya guphusana hehi nu muene gifua futa dietu ya diago. Yehowa udi fumu wa koma, nunji udi nu ngolo jiavula. Uvi, wanuvua isambu yetu. Aye wanusamba Nzambi mbala jiagasue ba?—Ngimbo 65:2; 1 Tesalonike 5:17.

2. Gisambu gidi gitshinyi gia gukombelela guetu. Tudi naye gusambela kaka Yehova Nzambi. Mukumbi dia khalele Yesu hamavu, wakhalele mu sambela kaka Shenji, Nzambi muko ndo. Tudi naye gutshita luholo lununu. (Matayo 4:10; 6:9) Uvi, isambu yetu tudi naye guihana mujina dia Yesu. Idi mudijiga egi tudi mujitisa fundo dia Yesu, nunji tudi nu gukwikila mu mulambu wenji watukatswile mu uhiga.—Yone 14:6; 1 Yone 2:1, 2.

3. Mukumbi di tudi musamba tudi naye ya gusolola nu Nzambi mu katshi dia mutshima wetu wagasue. Tuajiilego guvutugila mbimbi jimoshi nga gutanga gisambu mu katshi dia mukanda. (Matayo 6:7, 8) Tuajiya gusambela mu lujitu mu pojishio yagasue, mu fundo diagasue, nu mu kumbi diagasue. Nzambi wanu vua nu isambu ya mukatshi dia mitshima yetu. (1 Samuele 1:12, 13) Gula umutshigina gusamba hakhaye, idi muabonga ukambe fundo dimoshi dieshi indanda.—Mako 1:35.

4. Ima tshi tuajiya gulomba mu gisambu gietu? Ima yagasue imutala gudivua guetu nu Nzambi. (Filiphi 4:6, 7) Mbandu ya gisambu idi gutudijiga egi tudi naye gusamba mukunda nu jina dia Yehowa nu luzolo luenji. Tuajiya gulomba ima yetu ya muila, nga gumulomba atutotesele masumu etu, nga atukwatese tule gubua ndo mu gumegama. (Matayo 6:9-13) Isambu yetu yajiilego gukhala kaka mukunda nu esue hakhetu. Tudi naye gusamba kaka mukunda nu ima idi mudivisa nu luzolo lua Nzambi.—1 Yone 5:14.

5. Wajiya gusamba hugo diagasue didi mutshima waye gugutuma haguhana hambadiana nga hagukumisa Nzambi. (1 Gudilandula 29:10-13) Wajiya gusamba gula udi mu malamba nga gula lukwikilu luaye luatshigina gumegama. (Ngimbo 55:22; 120:1) Idi yabonga hagusamba gutuama dia gudia. (Matayo 14:19) Yehowa udi gutulomba hagusamba “mahugo agasue.”—Efeso 6:18.

6. Tudi nu funu ya gusamba mu kumbi di tuatshita disumu dia koma. Mukumbi dinyinyi tudi nu funu ya gulomba khenda jia Yehowa hagula atutotesele gubola guetu. Gula tualondolola masumu etu, tuabemba guavutuila luko, Nzambi ‘mbautufwila jikhenda.’—Ngimbo 86:5; Ishima 28:13.

7. Yehowa wanavua kaka isambu ya athu a masonga. Gula watshigina egi isambu yaye iviwe gudi Nzambi, udi naye gutshita ngolo jiavula haguhata mikhuala yenji. (Ishima 15:29; 28:9) Udi naye gudibulumuisa mukumbi di udi musamba. (Luka 18:9-14) Udi naye ya gutshita ndaga jodi muzuela mu isambu yaye. Gula umutshita ngenyi, udi mumonesa egi udi nu lukwikilu, nunji udi mujiya ima tshi udi muzuela. Ngenyi, gunyima Yehowa wajiya gukumbula isambu yaye.—Hebelu 11:6.

Ya zolewe mu 2000
Copyright © 2006 Watch Tower Bible and Tract Society of Pennsylvania. All rights reserved.