Asaledi A Nzambi Adi Naye Gukhala Aphelegeta - Site ya Internet ya Alondolodi a Yehowa ii Idi Mujiyiwa

Site ya Internet ya Alondolodi a Yehowa ii Idi Mujiyiwa

Beliefs

Future

Nzambi Udi Mutulomba Gima Tshi?

Longi dia 9

Asaledi A Nzambi Adi Naye Gukhala Aphelegeta
	Mukunda natshi tudi naye gukhala ya guphelegeta mu ndaga jiagasue? (1)
	Guphelegeta mu gipheve gudi mudijiga itshi? (2) mu ikalulu? (3) mu matangi? (4) nu mu muila? (5)
	Luholotshi lua guzuela guabola tudi naye gubemba? (6)

1. Yehowa Nzambi udi wa phelegeta nu udi musantu sha. Udi mulomba gudi akombeledi enji hagukhala alaphe mu gipheve, mu matangi, mu ikalulu, nu mu muila. (1 Phetelo 1:16) Idi mulomba gusha ngolo hagukhala phee gumeso a Nzambi. Tudi mujinga mu mavu a usala. Tudi naye nji guluisa matangi etu a masumu. Uvi, tushigo naye guhuila ndo.

2. Guphelegeta gua gipheve: Gula tuatshigina gutshitshila Yehowa, tuajiilego gukhala luko nu malongi nga makalegelo a ikombelelo ya mambo. Tudi naye guzoga mu gikombelelo gia malongi agasue a mambo nunji tuajiilego gugihua mago ata mu ndaga imoshi. (2 Kolinto 6:14-18; Yatuwuwe 18:4) Ha tualongoga gale giamatshidia gimutalela Nzambi, tudi naye gukeba uvi ndo tajiya gudimbiya guathu amulonga mbimbi ya mambo.—2 Yone 10, 11.

3. Guphelegeta mu ifu: Yehowa udi mutshigina egi akombeledi enji agasue akhale Aklistu agiamatshidia tangua diagasue. (1 Phetelo 2:12) Yehowa wanumona ima yagasue tuanutshita, ata tudi yagudisuega. (Hebelu 4:13) Tudi naye gubemba makalegelo abola a gubungisa mwila nu makalegelo agasue abola a gifutshi gigi.—1 Kolinto 6:9-11.

4. Guphelegeta gua matangi: Gula tuazalesa wongo wetu nu matangi abonga nu alunga sha, makalegelo etu nji mbamukhala abonga. (Filipi 4:8) Uvi, gula tumunginyisa ima ya usala mu matangi etu, makalegelo etu nji adi mukhala abola. (Matayo 15:18-20) Tudi naye gubishila saga jiagasue jiajiya gubolesa matangi etu. Tuajiya guzalesa wongo wetu nu matangi abonga mu gulongoga Mbimbi ya Nzambi.

5. Guphelegeta gua muila: Mukunda Aklistu anuzuela mu jina dia Nzambi, muila nu milele yawo idi naye gukhala ilaphee. Gula wakatuga gu gabinyi udi naye guwova mago, nunji gutuama dia gudia udi naye guwova mago mwabonga. Gula mushigo nu gabinyi, mvindu yaye udi naye gu ivumbiga. (Mikuala 23:12, 13) Gubumba muila ulaphee guanu bata gubonga gua muila. Jinzo jia Aklistu jidi naye gukhala jila phee mukhatshi nu hanze. Jidi naye guhana mbandu ya bonga gudi athu ako.

6. Guphelegeta gua mazuelelo: Aseledi a Nzambi adi naye guzuela giamatshidia kumbi diagasue. Imbi ya mambo mba inginyi go mu Ufumu wa Nzambi. (Efeso 4:25; Yatuwuwe 21:8) Aklistu ajiilego gukhala nu zuelelo diabola. Ajiilego nga guvua mene jia usala nga guta ishima ya mambo ndo. Mukunda nu guzuela guawo guabonga, ajiiwa mu mabugu a midimo nu mu jinzo jia mikanda, nga mu mabugu awo anukhala.—Efeso 4:29, 31; 5:3.

Asaledi a Nzambi adi naye gukhala phee mu ndaga jiagasue

Ya zolewe mu 2000
Copyright © 2006 Watch Tower Bible and Tract Society of Pennsylvania. All rights reserved.