Malongi nu Shigu jia Mambuta Jianula Gusuanguluisa Nzambi Ndo - Site ya Internet ya Alondolodi a Yehowa ii Idi Mujiyiwa

Site ya Internet ya Alondolodi a Yehowa ii Idi Mujiyiwa

Beliefs

Future

Nzambi Udi Mutulomba Gima Tshi?

Longi dia 11

Malongi nu Shigu jia Mambuta Jianula Gusuanguluisa Nzambi Ndo
	Malongi tshi nu shigu jia mambuta jidi jia bola? (1)
	Aklisto ajiya gukwikila egi Nzambi udi utatu (Trinité) ba? (2)
	Mukundanatshi Aklisto a matshidia anotago khinji ya lubutugu, ya page, nga ya ilumbu ya gubutshiwa? (3, 4)
	Mvumbi jia jiya gutshita athu a monyo gubola ba? (5)
	Yesu wafile ha mutshi wa gudikikisa ba? (6)
	Gusuanguluisa Nzambi gudi nu funu ba? (7)

Nzambi gashi Utatu ndo

1. Malongi nu shigu jiagasue jia mambuta jianukhala jiabola ndo. Uvi, Nzambi wanutuna malongi nu shigu jia mambuta jianukatuga mu ikombelelo ya mambo nga jinyi jianula gudivua ndo nu malongi a Bibila.—Matayo 15:6.

2. Utatu: Yehowa udi wa gudikhapha mu mapersona atatu ba? Ndo! Yehowa, Shi’etu, udi “Nzambi mumoshi wagiamatshidia.” (Yone 17:3; Mako 12:29) Yesu udi somi yenji, nu wanuvila Nzambi. (1 Kolinto 11:3) Tata wabalega mona. (Yone 14:28) Givule giabonga gishigo muthu go, gidi ngolo jia Nzambi.—Gisendeselo 1:2; Makalegelo 2:18.

Khinji Ya Lubutugu nu Page yakatugile mu ikombelelo ikulu inyi ya mambo

Funu ya gusambela mvumbi nga ya guavua woma ishi guene ndo

3. Lubutugu nu Page: Yesu gabutshiwego mu gilumbu gia 25 gia ngonda ya desambele. Wabutshiwe hehi nu gilumbu gia 1, gia ngonda ya Kumi. Mukumbi didi abambi a imeme akhalele hanze nu imeme yawo mu phipha. (Luka 2:8-12) Yesu gahuilego Aklisto njila ya guta khinji ya gubutshiwa guenji. Uvi, wawambelele alandudi enji ha gutangiza gilumbu gia gufua guenji. (Luka 22:19, 20) Khinji ya lubutugu nu makalegelo enji akatugile gudi ikombelelo ikulu ya mambo. Khinji ya page nji nu makalegelo awo wawa a gukitila maki nga malaphe akatugile nji guene. Aklisto athomo akhalelego muta khinji ya lubutugu nga ya page. Hene nji Aklisto a giamatshidia a mangino anula guta khinji jiji ndo.

4. Ilumbu ya gubutshiwa: Mukatshi dia Bibila tudi mutanga khuta khinji jiyadi jia ilumbu ya gubutshiwa jia tele athu akhalelego mukombelela Yehowa. (Gisendeselo 40:20-22; Mako 6:21, 22, 24-27) Aklisto athomo a khalelego muta khinji jia ilumbu ya gubutshiwa. Makalegelo wawa nu khinji jia ilumbu ya gubutshiwa jiakatugile gudi ikombelelo ikulu ya mambo. Aklisto a giamatshidia anodihua makabu nu gudisuanguluisa mu mahugo avula mukatshi dia givo.

5. Woma wa Mvumbi: Mvumbi jiajiyilego gutshita ata gima gimoshi, nga guvua gima gimoshi ndo. Tuajiyilego gujikuatesa, nunji jiene jiajiyilego gutukita gubola. (Ngimbo 146:4; Mulongeshi 9:5, 10) Monyo wanufua; wanujinga gungima dia gufua ndo. (Ezekiele 18:4) Uvi mumakumbi ako anjielu abola, wanyi anutamegewa egi ndele, anogudimwenegesa gifua ivule ya mvumbi. Shigu jiamambuta jiagasue jidi mulomba gujivua woma nga gukombelela mvumbi jidi jiabola.—Yeshaya 8:19.

6. Mutshi Wagudikikisa: Yesu gafuilego holu dia mutshi wa gudikikisa. Wafile holu dia kunji nga mutshi wa magana. Mbimbi ya gigeleke ii idi mubalumuna mabibila avula egi “mutshi wa gudikikisa” idi mudijiga khuta mutshi umoshi nga gitshinyi gia mutshi. Gifanesa gigi gia mutshi wagudikikisa giakatugile gudi ikombelelo ya mambo ya mualeha. Aklisto athomo akhalelego mutshitshila mutshi wagudikikisa nga gu ukombelela. Na, udi mumona gifua idi mabonga hagutshitshila mutshi wagudikikisa hagukombelela ba?—Mikuala 7:26; 1 Kolinto 10:14.

7. Yajiya gukhala lamba diavula hagubemba makalegelo wawa nu shigu jia mambuta. Aphangi’etu nu mafuta’etu ajiya gututunyisa egi gubemba makalegelo wawa ndo. Uvi, gusuanguluisa Nzambi gua balega sha gusuanguluisa athu.—Ishima 29:25; Matayo 10:36, 37.

Ya zolewe mu 2000
Copyright © 2006 Watch Tower Bible and Tract Society of Pennsylvania. All rights reserved.