Luholotshi Wajiya Gujiya Dibundu dia Giamatshidia? - Site ya Internet ya Alondolodi a Yehowa ii Idi Mujiyiwa

Site ya Internet ya Alondolodi a Yehowa ii Idi Mujiyiwa

Beliefs

Future

Nzambi Udi Mutulomba Gima Tshi?

Longi dia 13

Luholotshi Wajiya Gujiya Dibundu dia Giamatshidia?
	Nzambi wanutshigina mabundu agasue, nga dimoshi phamba ba? (1)
	Mukunda natshi mabundu avula anudimona gifua a Uklisto? (2)
	Luholotshi wajiya gujiya Aklisto a giamatshidia? (3-7)

1. Yesu muene wasendesele dibundu diagiamatshidia dimoshi dia Uklisto. Hene, mangino tudi naye gukhala khuta nu muila umoshi, nga gimvuga gimoshi, gia akombeledi a giamatshidia a Yehowa Nzambi. (Yone 4:23, 24; Efeso 4:4, 5) Bibila didi muzuela egi khuta ndambu ya zonda ya athu adi mu njila ya zonda idi mubata gulujingu.—Matayo 7:13, 14.

2. Bibila ya diangele guzuela egi gungima dia gufua gua mitumiwi yagasue, malongi a mambo nu makalegelo ashigo a Uklisto mbangina habibi-habibi mukatshi dia dibundu dia Uklisto. Athu mba abenda athu ako haguahata hafundo diagulandula Kilisto. (Matayo 7:15, 21-23; Makalegelo 20:29, 30) Hene tumumona mabundu a phila nu phila adi mu zuela egi idi a Uklisto. Luholotshi tuajiya gujiya Aklisto a giamatshidia?

3. Njimbu ya koma ya gujiila Aklisto a giamatshidia idi guzumba gua diago mukatshi diawo. (Yone 13:34, 35) Anutangizago egi abalega athu a muila uko, nga agilema giko. Anotangizago gukhala nu umbalagaji gudi athu a mu membo ako. (Makalegelo 10:34, 35) Anungina mu itumba ndo. Akombeledi a giamatshidia anodizumba gifua aphangi a mala nu a akhetu.—1 Yone 4:20, 21.

Aklisto a giamatshidia anodizumba, anujitisa Bibila, nunji anulonga Ufumu wa Nzambi

4. Njimbu iko ya gujiila dibundu diagiamatshidia idi egi athu awo agasue anujitisa Bibila muavula. Anoitshigina egi idi Mbimbi ya Nzambi nunji anukwikila ndaga ji yanuzuela. (Yone 17:17; 2 Timote 3:16, 17) Anuzangula Mbimbi ya Nzambi nu funu ya vula. Anoimona egi ya balega matangi a athu nga shigu jiamambuta awo. (Matayo 15:1-3, 7-9) Anosha ngolo hagujinga gilumbu nu gilumbu mu malongi a Bibila. Anulonga ndo ima iko nu ene gukita ima iko.—Tito 1:15, 16.

5. Dibundu diagiamatshidia didi naye gunemesa jina dia Nzambi. (Matayo 6:9) Yesu walongele jina dia Nzambi, Yehowa, gudi athu. Aklisto a giamatshidia adi naye gulandula mbandu yenji. (Yone 17:6, 26; Lomo 10:13, 14) Mu dimbo dienu akwatshi anulonga ako jina dia Nzambi?

6. Aklisto a giamatshidia adi naye gulonga Ufumu wa Nzambi. Yesu wakitile ngenyi. Mbala jiagasue wakhalele mulonga Ufumu wene. (Luke 8:1) Watumine alandudi enji hagulonga mbimbi yiyi mu mavu a mudidi. (Matayo 24:14; 28:19, 20) Aklisto a giamatshidia anukwikila egi khuta Ufumu wa Nzambi mbaubata guhuima gua mayilago haha hamavu.—Ngimbo 146:3-5.

7. Alandudi a Yesu anunginago mu ndaga jia hamavu wawa abola. (Yone 17:16) Anongina ndo mu politiki ya mavu wawa nga itumba yawo. Anobishila makalegelo agasue abola a hamavu. (Yakoba 1:27; 4:4) Mu dimbo dienu umujiya athu adi nu njimbu jiji jia Aklisto a giamatshidia ba?

Ya zolewe mu 2000
Copyright © 2006 Watch Tower Bible and Tract Society of Pennsylvania. All rights reserved.