Luholo Mathemua a Yehowa Anodilonda - Site ya Internet ya Alondolodi a Yehowa ii Idi Mujiyiwa

Site ya Internet ya Alondolodi a Yehowa ii Idi Mujiyiwa

Beliefs

Future

Nzambi Udi Mutulomba Gima Tshi?

Longi dia 14

Luholo Mathemua a Yehowa Anodilonda
	Ivo tshi Mathemua a Yehowa ayandigile mu masugu etu wawa? (1)
	Ibungishilo ya Mathemua a Yehowa yanuwendesewa luholotshi? (2)
	Luholotshi anufuta mikudi yawo? (3)
	Akuatshi anowendesa konso ekelezia? (4)
	Ibungishilo tshi yakoma anukita givo nu givo? (5)
	Midimo tshi yanokitshiwa gu bilo diawo diagishina nga mu mabugu ako adi mabilo awo a midimo? (6)

1. Mu ilumbu yetu, Mathemua a Yehowa a sendesele mu ivo 1870. Hathomo, akhalele mutamegewa egi Alongugi a Bibila. Uvi, mu givo 1931 a zanguile dijina dia Mathemua a Yehowa didi mukatshi dia Bibila. (Yeshaya 43:10) Gugisendeselo gibungishilo giene giakhalele gia zonda sha. Uvi luenyelu gidi nu inunu yavula ya Mathemua adi mulonga mu ifutshi gubalega 230.

2. Ikelezia yavula ya Mathemua a Yehowa yanodibungisa mbala ji tatu konso phoso. Tudi gugutamega hagudibungisa nawo. (Hebelu 10:24, 25) Bibila didi gishina gia mbimbi jianolongewa mu ekelezia yene. Gu ibungishilo yene anoyandiga nunji anosugisa nu gisambu. Mu mahugo ene agasue ‘tanuyimbila fumu jingimbo’ nu mutshima wagasue. (Efeso 5:18, 19) Hagungina, tanofuta falanga ndo. Nunji tanolombago makabu mu ngolo.—Matayo 10:8.

3. Ikelezia yavula anodibungisa mu katshi dia Inzo ya Ufumu. Mathemua anodihana hagutunga Jinzo jia Ufumu jiene, nunji jianolomba falanga jiavula ndo. Wajiilego gumona ifanesa nga mutshi wa gudikikisa nga ima ya luholo lununu mu katshi dia Inzo ya Ufumu. Mikudi yawo yanofutiwa nu makabu anuhana athu a luzolo lwabonga. Mikobe ya makabu yanuhaiiwa mukunda nu athu atshigina guhana makabu mu luzolo lwawo.—2 Kolinto 9:7.

4. Mukatshi dia ekelezia diagasue gudi nu mambuta athu nga ibambi. Ene anowendesa malongi mukatshi dia ekelezia. (1 Timote 3:1-7; 5:17) Alandudi a midimo anoguakuatesa. (1 Timote 3:8-10, 12, 13) Aphangi wawa anodikanduisa ndo holu dia athu ako amu ekelezia. (2 Kolinto 1:24) Anohuiwa matitele a koma ndo. (Matayo 23:8-10) Anosudigago milele luholo lwawo hakhawo. Anofutiwa nji ndo mukunda nu mudimo wawo. Mambuta ene anukamba thomo gudia gua gipheve gia ekelezia. Ajiya gutuameza ako nga guahua ngolo mu kumbi dia malamba.—Yakoba 5:4-16; 1 Phetelo 5:2, 3.

5. Mathemua a Yehowa anukhala nu ibungishilo yakoma konso givo. Mu mahugo ene ikelezia yavula yanogudibungisa hagulongewa hama hamoshi malongi a Bibila. Muhugo diene alandudi a mpha anuzula mbotiga.—Matayo 3:13-17; 28:19, 20.

6. Bilo dia gishina dia Mathemua a Yehowa didi mu dimbo dia New York. Gimvuga gia Matwameji gianukhala gwene. Gimvuga giamatwameji gidi gibuga gia mambuta ahiagale anutwameza ikelezia yagasue ya hamavu. Mathemua a Yehowa adi nji nu mabilo a filiale gubalega 100 anowendesa midimo mu mavu agasue. Mukatshi dia mabilo wawa athu a luzolo lwabonga anodihana hagunyema mikanda yanulondolola Bibila, nu haguituma mu mabugu ako. Mudimo wa gulonga mbimbi ya Nzambi wanutwamezewa nji mu mafundo ene. Mukunda natshi ule gulonda ndo tangwa haguya mutala bilo dia filiale dimoshi didi hehi neye?

Ya zolewe mu 2000
Copyright © 2006 Watch Tower Bible and Tract Society of Pennsylvania. All rights reserved.