1. Luenyelu, walonguga gale ndaga jiavula mukatshi dia Bibila. Mbimbi iii ya giamatshidia yajiya gogukuatesa hagutunga gimuthu gia bonga gia Muklisto. (Efeso 4:22-24) Udi nu funu ya giamatshidia gigi haguheta monyo wa ivo nu ivo. (Yone 17:3) Jiya egi athu ako nji adi nu funu ya guvua mbimbi ii ha guhuluga. Aklisto a giamatshidia agasue adi naye gumuanga Mbimbi ya Nzambi gudi athu ako. Uu udi mukhuala wa Nzambi.—Lomo 10:10; 1 Kolinto 9:16; 1 Timote 4:16.
2. Yandiga guta lumene lua mbimbi i udi mulongoga nu athu udi nawo hehi. Ta lumene lwene guathu agiphuta gyaye, gua mafuta aye, gua mafuta aye a monjia mikanda, nu gua mafuta aye a mudimo. Khala nu mutshima wabonga nu guhuimisa mutshima mu kumbi di udi mu longa. (2 Timote 2:24, 25) Ujimbilago egi athu anutala makalegelo aye gubalega mbimbi ii udi muzuela. Nunji, makalegelo aye abonga ajiya gubenda athu ako haguvua mbimbi ii udi muzuela.—Matayo 5:16; 1 Phetelo 3:1, 2, 16.
3. Hangima, wajiya guyandiga gumwanga Mbimbi ya Nzambi hamoshi nu ekelezia ya Mathemua a Yehowa a mu dimbo diaye. Lunganyo lulu ludi nu funu mukunda nu gukula gua gipheve giaye. (Matayo 24:14) Gusuanguluga guavula gula wakuatesa muthu mumoshi ha gubua Themua dia Yehowa hagula azule lujingu lua konda suga!—1 Tesalonike 2:19, 20. |
