Deshijio Diaye Diagusadila Nzambi

1. Hagubua futa dia Nzambi, udi naye thomo gujiya mwabonga sha giamatshidia mu Bibila (1 Timote 2:3, 4), gukala nu gutshigina gu ndaga ji wanulongoga (Hebelu 11:6), gubalula mutshima mukunda nu masumu aye (Makalegelo 17:30, 31), nu gubemba diago lujingu luaye lua bola. (Makalegelo 3:19) Ngenyi guzumba guaye gudi Nzambi guajiya guguphusa hagudihana gudi muene. Idi mudijiga egi aye hakhaye udi naye guleza Nzambi mukatshi dia gisambu egi wadihana gudi muene hagukita luzolo luenji.—Matayo 16:24; 22:37.

2. Hangima dia gudihana gudi Nzambi, wajiya guzula mbotiga. (Matayo 28:19, 20) Mbotiga yanuleza athu agasue egi wadihana gudi Yehowa. Hene, mbotiga yanuhanewa khuta gudi athu agukula ajiya guzula deshijio ha gusadila nzambi. Tangua didi muzula muthu mbotiga, muila wenji wagasue udi naye gungina mu meya gandambu ga makumbi abiyo.*—Mako 1:9, 10; Makalegelo 8:36.

3. Hangima dia gudihana, Yehowa umuhaga mutshima egi guwenda guaye mbagumukhala gifua giwamuhwile laji. (Ngimbo 50:14; Mulongeshi 5:4, 5) Diabulu mbomukamba hagugukanga njila egi ubembe gusalela Yehowa. (1 Phetelo 5:8) Uvi swena hehi nu Nzambi mukatshi dia gisambu. (Filipi 4:6, 7) Longuga mbimbi yenji kumbi diagasue. (Ngimbo 1:1-3) Jinginyina mu ekelezia yenji. (Hebelu 13:17) Gula umukita ima ii yagasue, wajiya guheta ngolo jia gukhala muthu wabonga gu meso a Nzambi. Ngenyi wajiya gutshita yago idi mugulomba Nzambi ivo nu ivo!

Gula watshigina gujiya ndaga jia vula, nga gulongoga gua githugu gua Bibila gu inzo yaye, sonegela Bilo dia Watch Tower, mubugu dingoshi mukatshi dia wawa twadijiga goshigogu. Adresi

* Haguzula mbotiga udi naye gulongoga mukanda Nzayilu ya Kenataka na Luzingu ya Mvula na Mvula, nga mukanda uko wa luholo lununu wazolele Watch Tower Bible and Tract Society.

Copyright © 2006 Watch Tower Bible and Tract Society of Pennsylvania. All rights reserved.