Aira a Jehova O Nĩa? Metĩkĩtĩe Atĩa?

Nĩ Tũragwĩta

Nĩ tũkenetio nĩ kwaria nawe kũgerera kabuku-inĩ gaka. Tũkwĩhoka atĩ nĩũkenetio nĩ kũmenya makĩria ũndũ wĩgiĩ Aira a Jehova. Tũgũkũria na gĩtĩo ũtũcerere thĩinĩ wa Kingdom Hall ya gwitũ na wĩonere ũrĩa mĩcemanio iitũ ĩtongoragio. Wĩonere ũrĩa tũgeragia kũgwatanĩra na arĩa angĩ ũhoro ũrĩa mwega wĩgiĩ paradaisi ya thĩ rungu rwa Ũthamaki wa Kristo.

Ngai nĩ aamĩranĩire. “Indĩ kũringana na ũrĩa eranĩire, nĩ gũtanya tũtanyaga kuona Igũrũ rĩerũ o na thĩ njerũ, o kuo kũrĩa gũgatũũraga ũthingu.” (2 Petero 3:13) Mĩaka mĩingĩ nĩ ĩrĩkĩtie kũhĩtũka. Ihinda rĩrĩa rĩetereirũo rĩerekeire mũthia. Maũndũ marĩa marekĩka thĩinĩ maronania ũũ.

Mũtũmwo Paulo oigĩte ũũ: “Nĩtwĩciragiei ũrĩa tũngĩarahũranaga o mũndũ na ũrĩa ũngĩ, nĩ getha twendanage, na twĩkage ciĩko njega; ningĩ tũtigatige kũũnganaga hamwe, . . . tondũ wa ũrĩa mũkuona atĩ Mũthenya ũcio nĩũrakuhĩhĩria.” (Ahibirania 10:24, 25) Twakũũria wĩtĩkĩre mataaro ma Paulo ma kũũngana na ithuĩ.

Hihi no wende gũcererũo?